كٶلٸكتەگٸ وقيعالار مەن ينتسيدەنتتەردٸ تەكسەرۋ دەپارتامەنتٸنٸڭ ديرەكتورى بولات ناۋرىزەليەۆ 2019 جىلعى 27 جەلتوقساندا الماتى قالاسى ەۋە ايلاعىنىڭ اۋماعىندا Bek Air ەۋە كومپانيياسىنىڭ Fokker-100 ەۋە كەمەسٸنە قاتىستى ورىن العان اۆياتسييالىق وقيعانى تەكسەرۋدٸڭ قورىتىندىسى بويىنشا تٷسٸنٸكتەمە بەردٸ, دەپ حابارلايدى قازاقپارات.
«ەكيپاج اۋا رايىنىڭ مەلٸمەتتەرٸن العان سوڭ. ۇشاقتىڭ ٸشكٸ-سىرتقى جاعدايىن قارايدى. امان قالعان ەكٸنشٸ ۇشقىش ۇشاقتى ٶزٸ قاراپ شىققانىن ايتادى. ونىڭ سٶزٸمەن ايتساق, ۇشاق قاناتىن ۇستاپ كٶرگەندە «تەمٸردەي قۇرعاق» بولعان. «تەمٸردەي قۇرعاق» دەگەن سٶزدٸڭ قاي ماعىنادا قولدانعانىن بٸلمەيمٸن, بٸراق تۋرا وسىلاي ايتقان.
ياعني, كوماندير ۇشاقتىڭ قاناتىن ٶڭدەمەۋ كەرەك دەپ شەشكەن. تاڭعى ساعات 6.30 كەزٸ بولعان. ول كەزدە كٷن قاراڭعى بولۋى دا مٷمكٸن. ولار قانات قۇرعاق دەپ ەسەپتەگەن بولۋى مٷمكٸن», - دەدٸ بولات ناۋرىزەليەۆ يندۋسترييا جەنە ينفراقۇرىلىمدىق دامۋ مينيسترٸلٸگٸندە ٶتكەن بريفينگٸدە.
ماماننىڭ ايتۋىنشا, حالىقارالىق تەجٸريبەدە №96-40 دەگەن قۇجات بار. ۇشاق كٶككە كٶتەرٸلەر الدىندا ونى تولىق كٸم ٶڭدەۋ كەرەكتٸگٸ سول قۇجاتتا رەگلامەنتتەلگەن.
«بٸراق بٸزدە ونداي نورماتيۆ جوق», - دەدٸ كٶلٸكتەگٸ وقيعالار مەن ينتسيدەنتتەردٸ تەكسەرۋ دەپارتامەنتٸنٸڭ ديرەكتورى.
ساراپشى قازٸرگٸ تاڭدا جەكە مەنشٸك ەۋە كومپانييالارى ەكيپاج مٷشەلەرٸن ۇشاقتى جولعا شىعار كەزدە ٶڭدەۋ بويىنشا بٸرقاتار شەكتەۋلەر قوياتىنىن دا اتاپ ٶتتٸ.
«كەيبٸر جەكە ەۋە كومپانييالارى بۇل تۇرعىدا ەكپياجعا قاتتى شەكتەۋلەر قوياتىن جاعدايلار بار. ٶيتكەنٸ بۇل شارا ارزان ەمەس. بٸر ۇشاقتى تولىق ٶڭدەۋگە 15 مىڭ ەۋروعا دەيٸن شىعىن كەتۋٸ مٷمكٸن», - دەدٸ مامان.
بريفينگ بارىسىندا بولات ناۋرىزەليەۆ تەكسەرۋ قورىتىندىسى شىعارىلعانىمەن, ناقتى كٸمنٸڭ كٸنەلٸ ەكەنٸن ايتۋ اۆيتسيياعا جاۋاپتى ورگانداردىڭ قۇزىرەتٸنە كٸرمەيتٸنٸن ەسكەرتتٸ.
«بٸزدٸڭ بەرەتٸن قورىتىندىمىز بەن ۇسىنىمدار بويىنشا ازاماتتىق اۆياتسييانىڭ «اۆياتسييا ەكٸمشٸلٸگٸ» مەكەمەسٸ شەشٸم قابىلدايدى. بۇل ۇسىنىمدار الماتى تٷبٸندەگٸ ۇشاق اپاتى سيياقتى وقيعالاردىڭ قايتالانباۋى ٷشٸن بەرٸلەدٸ. ولاردىڭ تاراپىنان ەسكەرتۋلەر بار. ٷش جىلدان بەرٸ ول ەسكەرتۋلەردەگٸ كەمشٸلٸكتەر جويىلعان جوق. ٸشكٸ ٸستەر مينيسترلٸگٸ, كٶلٸك پروكۋراتۋراسى, اۆياتسييا ەكٸمشٸلٸگٸ, اۆياتسييالىق ۇيىمدار وسى مەسەلەنٸ قارايدى», - دەدٸ ول.
