فوتو: قر تجم باسپاسٶز قىزمەتٸ
قازاقستان تٶتەنشە جاعدايلار مينيسترلٸگٸنٸڭ قۇتقارۋشىلارى الماتى وبلىسىنىڭ تاۋلارىندا ٷش كٷندٸك ٸزدەستٸرۋ-قۇتقارۋ وپەراتسيياسىن سەتتٸ اياقتادى, دەپ حابارلايدى Ult.kz.
قر تجم باسپاسٶز قىزمەتٸنٸڭ حابارلاۋىنشا, جوعالعان تۋريست تٸكۇشاقتىڭ كٶمەگٸمەن تابىلدى.
1982 جىلعى ازامات 12 قاڭتاردا كٶپ كٷندٸك جورىققا اتتانىپ, 15 قاڭتاردا بايلانىسقا شىقپاعان سوڭ, تۋىستارى مازاسىزدانىپ, قۇتقارۋشىلاردان كٶمەك سۇرادى.
تجم رەسپۋبليكالىق جەدەل-قۇتقارۋ جاساعىنىڭ ماماندارى دەرەۋ ٸزدەۋگە كٸرٸستٸ. جۇمىسقا كينولوگييالىق ەسەپتوپتار, ۇشقىشسىز ۇشۋ اپپاراتتارى جەنە جەرٷستٸ توپتارى قاتىستى. العاشقى ەكٸ كٷندە 21 ورىن زەرتتەلدٸ, ونىڭ ٸشٸندە ەڭ تانىمال تۋريستٸك مارشرۋتتارداعى شىڭدار, شاتقالدار مەن اسۋلار تەكسەرٸلدٸ.
"بٷگٸن قازاۆياقۇتقارۋ ەۋە بورتىن پايدالانىپ, ەر ادام 2970 مەتر بيٸكتٸكتە «سول تالعار» شاتقالىنداعى كٷركەدەن تابىلدى. ولمەديتسينالىق كٶمەككە مۇقتاج بولمادى جەنە الماتى قالاسىنا جەتكٸزٸلدٸ", - دەلٸنگەن حابارلامادا.
وسىعان دەيٸن تجم قىزمەتكەرلەرٸ جەتٸسۋ وبلىسىندا 25 بالىقشىنى قۇتقارعانىن جازعان ەدٸك.
