Foto: QR TJM baspasóz qyzmeti
Qazaqstan Tótenshe jaǵdailar ministrliginiń qutqarýshylary Almaty oblysynyń taýlarynda úsh kúndik izdestirý-qutqarý operatsiiasyn sátti aiaqtady, dep habarlaidy Ult.kz.
QR TJM baspasóz qyzmetiniń habarlaýynsha, joǵalǵan týrist tikushaqtyń kómegimen tabyldy.
1982 jylǵy azamat 12 qańtarda kóp kúndik joryqqa attanyp, 15 qańtarda bailanysqa shyqpaǵan soń, týystary mazasyzdanyp, qutqarýshylardan kómek surady.
TJM Respýblikalyq jedel-qutqarý jasaǵynyń mamandary dereý izdeýge kiristi. Jumysqa kinologiialyq eseptoptar, ushqyshsyz ushý apparattary jáne jerústi toptary qatysty. Alǵashqy eki kúnde 21 oryn zertteldi, onyń ishinde eń tanymal týristik marshrýttardaǵy shyńdar, shatqaldar men asýlar tekserildi.
"Búgin Qazaviaqutqarý áýe bortyn paidalanyp, er adam 2970 metr biiktikte «Sol Talǵar» shatqalyndaǵy kúrkeden tabyldy. Olmeditsinalyq kómekke muqtaj bolmady jáne Almaty qalasyna jetkizildi", - delingen habarlamada.
Osyǵan deiin TJM qyzmetkerleri Jetisý oblysynda 25 balyqshyny qutqarǵanyn jazǵan edik.
