الماتى تاۋلارىندا سمارت-ناۆيگاتور مەن Wi-Fi ورناتىلعان ٷيشٸك پەن قۇتقارۋ پۋنكتەرٸ پايدا بولادى. بۇل تۋرالى الماتى قالاسىنىڭ تۋريزم باسقارماسى باسشىسىنىڭ ورىنباسارى مەرلەن مارالوۆ ونلاين بريفينگ بارىسىندا ايتتى, دەپ حابارلايدى قازاقپارات.
ونىڭ ايتۋىنشا, بيىل تاۋ تۋريستەرٸنٸڭ سانى 4 ەسەگە ارتتى. وسىعان بايلانىستى ەكٸمدٸك الماتى تۇرعىندارى مەن قوناقتارىنىڭ قاۋٸپسٸز ەرٸ جايلى دەمالۋى ٷشٸن قاجەتتٸ جاعدايلار جاساۋ جوسپارىن ەزٸرلەدٸ. تاۋلى مارشرۋتتاردىڭ شالعاي توراپتىق ۋچاسكەلەرٸندە جازدىڭ سوڭىنا دەيٸن تۋريستەردٸ پانالاۋ ٷشٸن 15 ٷيشٸك سالىنادى.
«ەربٸر ٷيشٸكتە ٸزدەستٸرۋ, قۇتقارۋ قىزمەتتەرٸ ٷشٸن كارتاعا جەنە GPS-كوورديناتتارعا بايلانعان رەپەرلٸك باستىرما دا بولادى. تٶتەنشە جاعدايلار تۋىنداعان كەزدە نەمەسە اۋا رايىنىڭ قولايسىز بولعاندا ٷيشٸك تۋريستەرگە قاجەتتٸ كٶمەك جيىنتىعىن الۋعا مٷمكٸندٸك بەرەدٸ (العاشقى مەديتسينالىق كٶمەك جيناعى, مارشرۋت كارتالارى, موبيلدٸ قۇرىلعىلاردى زاريادتاۋ ستانساسى, جىلى كٶرپە مەن بۇزىلمايتىن ازىق-تٷلٸك جيىنتىعى).ٷيشٸكتٸڭ جانىنا SOS سپۋتنيكتٸك سيگنالىن قۇتقارۋشىلار پۋلتٸنە ەنگٸزۋ جٷيەسٸ بار دٸڭگەكتەر ورناتىلادى»,-دەدٸ سپيكەر.
اپات سيگنالىن بەرۋگە ارنالعان بارلىق سپۋتنيكتٸك جابدىقتار تاۋداعى ٷيشٸك كونسترۋكتسيياسىنا بٸرٸكتٸرٸلەدٸ, سونداي-اق Wi-Fi فۋنكتسيياسىمەن جابدىقتالادى. بۇل جٷيە شالعاي تاۋلى مارشرۋتتاردا قيىن جاعدايعا تاپ بولعان تەجٸريبەسٸز, دايىن ەمەس تۋريستەرگە ارنالعان.
پايدالانۋشى ينتەرفەيسٸ مينيمالدى-داۋىستىق قوڭىراۋ تٷيمەسٸ, بەينە قوڭىراۋ كامەراسى مەن بٸرنەشە تٸلدەگٸ نۇسقاۋلار بولادى.
«قوسىمشا تۋريستٸك ناۆيگاتسييانىڭ بٸرىڭعاي جٷيەسٸن قۇرۋ مەن تاۋعا شىعۋعا ارنالعان سمارت-ناۆيگاتور تٷرٸندەگٸ قوسىمشانى ٸسكە قوسۋ بويىنشا جۇمىس جٷرگٸزٸلەدٸ. ول تجد بازاسىمەن ينتەگراتسييالاناتىن بولادى»,- دەيدٸ مەرلەن مارالوۆ .
سونىمەن قاتار, ولبيىل كٸشٸ جەنە ٷلكەن الماتى شاتقالدارىندا 2 باقىلاۋ-قۇتقارۋ پۋنكتٸ سالىناتىنىن اتاپ ٶتتٸ.
سونداي-اق العاش رەت قۇرىلعان 16 ادامنان تۇراتىن تاۋ قۇتقارۋشىلارىنىڭ جاساعى تەۋلٸك بويى كەزەكشٸلٸك ەتەدٸ.
«تۇيىقسۋ» شاتقالىندا قوسىمشا تٸكۇشاق الاڭى قۇرىلادى.
