Almaty taýlarynda smart-navigator men Wi-Fi ornatylǵan úishik pen qutqarý pýnkteri paida bolady. Bul týraly Almaty qalasynyń Týrizm basqarmasy basshysynyń orynbasary Márlen Maralov onlain brifing barysynda aitty, dep habarlaidy QazAqparat.
Onyń aitýynsha, biyl taý týristeriniń sany 4 esege artty. Osyǵan bailanysty ákimdik Almaty turǵyndary men qonaqtarynyń qaýipsiz ári jaily demalýy úshin qajetti jaǵdailar jasaý josparyn ázirledi. Taýly marshrýttardyń shalǵai toraptyq ýchaskelerinde jazdyń sońyna deiin týristerdi panalaý úshin 15 úishik salynady.
«Árbir úishikte izdestirý, qutqarý qyzmetteri úshin kartaǵa jáne GPS-koordinattarǵa bailanǵan reperlik bastyrma da bolady. Tótenshe jaǵdailar týyndaǵan kezde nemese aýa raiynyń qolaisyz bolǵanda úishik týristerge qajetti kómek jiyntyǵyn alýǵa múmkindik beredi (alǵashqy meditsinalyq kómek jinaǵy, marshrýt kartalary, mobildi qurylǵylardy zariadtaý stansasy, jyly kórpe men buzylmaityn azyq-túlik jiyntyǵy).Úishiktiń janyna SOS spýtniktik signalyn qutqarýshylar pýltine engizý júiesi bar dińgekter ornatylady»,-dedi spiker.
Apat signalyn berýge arnalǵan barlyq spýtniktik jabdyqtar taýdaǵy úishik konstrýktsiiasyna biriktiriledi, sondai-aq Wi-Fi fýnktsiiasymen jabdyqtalady. Bul júie shalǵai taýly marshrýttarda qiyn jaǵdaiǵa tap bolǵan tájiribesiz, daiyn emes týristerge arnalǵan.
Paidalanýshy interfeisi minimaldy-daýystyq qońyraý túimesi, beine qońyraý kamerasy men birneshe tildegi nusqaýlar bolady.
«Qosymsha týristik navigatsiianyń biryńǵai júiesin qurý men taýǵa shyǵýǵa arnalǵan smart-navigator túrindegi qosymshany iske qosý boiynsha jumys júrgiziledi. Ol TJD bazasymen integratsiialanatyn bolady»,- deidi Márlen Maralov .
Sonymen qatar, olbiyl Kishi jáne Úlken Almaty shatqaldarynda 2 baqylaý-qutqarý pýnkti salynatynyn atap ótti.
Sondai-aq alǵash ret qurylǵan 16 adamnan turatyn taý qutqarýshylarynyń jasaǵy táýlik boiy kezekshilik etedi.
«Tuiyqsý» shatqalynda qosymsha tikushaq alańy qurylady.
