قر تٶتەنشە جاعدايلار مينيسترٸ يۋريي يلين الماتى تاۋلارىندا قازا تاپقان ەر ادامدى قۇتقارۋعا نەلٸكتەن اۆياتسييا كٶمەككە كەلمەگەنٸن تٷسٸندٸردٸ, دەپ حابارلايدى "ۇلت اقپارات".
«باق-تاعى مەلٸمەتتەر, ەسٸرەسە, بلوگەرلەردٸڭ ونى كٶرگەندٸگٸ, ەشكٸم قۇتقارماعاندىعى تۋرالى تەرٸس اقپاراتتار جازىپ جاتىر. رەسپۋبليكالىق قۇتقارۋ وتريادى مەن الماتى قالاسى ەكٸمدٸگٸنٸڭ قۇتقارۋ قىزمەتٸ جەدەل توبى ٸزدەۋ جۇمىستارىن كٷنٸ-تٷنٸ توقتاتقان ەمەس. گەولوكاتسييا بويىنشا سوڭعى تابىلعان ادام كەيٸننەن ۇيالى تەلەفون گەولوكاتسيياسىنان 1 شاقىرىم جەردە انىقتالدى. دىبىس بەردٸ, ايقايلادى, ول دا ەستٸدٸ, قۇتقارۋشىلارىمىز دا ەستٸدٸ دەگەن ناقتىلانعان ەش اقپارات جوق», - دەدٸ يۋريي يلين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, ەر ادام ٶتە اۋىر جاعدايدا, اياعىن ٷسٸك شالعان كٷيدە تابىلعان.
«اتالعان ازاماتتى تەز ارادا مەديتسينالىق مەكەمەگە جەتكٸزۋدٸ باستادىق, تٷن بولىپ كەتتٸ. نەلٸكتەن اۆياتەحنيكا قولدانىلمادى? ٸزدەۋ جۇمىستارى جٷرگٸزٸلگەن ەكٸ كٷن بويى تٸكۇشاقتى ەۋەگە كٶتەرۋگە تىرىستىق. قازگيدرومەت بٸزگە مەتەواحۋال تۋرالى مەلٸمەت بەرەدٸ. بٸز قازاقستاننىڭ بٷكٸل اۋماعىنا ورتاق اۆياتسييالىق قاۋٸپسٸزدٸك ەرەجەلەرٸنە باعىنامىز. قازاۆياناۆيگاتسييا قۇتقارۋ جۇمىستارى ٷشٸن قازاۆياقۇتقارۋ بٶلٸمشەلەرٸنٸڭ ۇشۋىنا رۇقسات بەرگەن جوق. دەگەنمەن, ٸزدەۋ جٷرگٸزٸلگەن اۋداندا اسپان بٸرشاما اشىق بولدى. الايدا, تٸكۇشاق ۇشۋى ازاماتتىق اۆياتسييا كوميتەتٸنٸڭ الماتى قالاسىنداعى بٶلٸمشەسٸ رۇقساتىمەن جٷزەگە اسىرىلادى», - دەپ تٷسٸندٸردٸ مينيستر.
