فوتو: اشىق دەرەككٶز
Almaty Superski جاڭا تاۋ شاڭعىسى كۋرورتى ايماققا شەتەلدەن جاڭادان ٷيرەنٸپ جٷرگەن شاڭعىشىلار مەن تۋريستەردٸ تارتۋعا باعىتتالعان. بۇل تۋرالى Pas Grau International كومپانيياسىنىڭ وپەراتسييالىق ديرەكتورى توماس تور-ەنسەن حابارلادى.
ونىڭ ايتۋىنشا, كۋرورتتىڭ ارتىقشىلىعى – الماتىعا جاقىن ورنالاسقانىندا. نەگٸزگٸ باسىمدىق قورشاعان ورتاعا ەسەردٸ ازايتۋعا, ياعني سۋ مەن ەلەكتر ەنەرگيياسىن تۇتىنۋدى ازايتۋعا مٷمكٸندٸك بەرەتٸن جاڭا تەحنولوگييالاردى قولدانۋعا بەرٸلگەن. ال «مەدەۋ» بازالىق ستانساسىن كۋرورتپەن بايلانىستىراتىن زاماناۋي اسپالى جول جوبانىڭ ماڭىزدى ەلەمەنتٸ بولادى.
«بولاشاقتا بۇل جوبا ٶڭٸرگە وراسان زور ەكونوميكالىق وڭ ەسەر بەرمەك, ٶيتكەنٸ مۇندا 5 مىڭنان استام جاڭا جۇمىس ورنىن اشۋعا مٷمكٸندٸك بار. بٸز بٷكٸل جوبانى تۇتاسىمەن قىزىقتى دەپ سانايمىز. ول كٶپتەگەن "جاسىل" جەنە "كٶك" تراسسالاردا سەرۋەندەۋگە قولايلى جاعداي جاساي وتىرىپ, ەكولوگييا مەن تۇراقتى دامۋدى, دەمالىس پەن كەلۋشٸلەردٸڭ راحات سەزٸمٸن كەرەمەت ٷيلەستٸرەدٸ», - دەپ اتاپ ٶتتٸ توماس تور-ەنسەن.
شەتەلدٸك تۋريستەردٸ, اتاپ ايتقاندا قىتاي مەن ٷندٸستاننىڭ ٸرٸ نارىقتارىنان تارتۋ ستراتەگيياسىنا ەرەكشە نازار اۋدارىلىپ وتىر. كۋرورت جاڭادان ٷيرەنٸپ جٷرگەن شاڭعىشىلارعا باعىتتالعان, سونداي-اق, ول بۇل ايماقتا جوق ٶنٸمدٸ ۇسىنادى.
«اتالعان جوبانىڭ ەرەكشە تۇسى – كۋرورتتىڭ ەڭ بيٸك نٷكتەسٸ 3400 مەتر بيٸكتٸكتە ورنالاسقانىندا. بۇل ٶتە بيٸك جەنە ول جەردەن تاۋ اڭعارى مەن الماتى قالاسىنا 360 گرادۋسقا كەرەمەت پانورامالىق كٶرٸنٸس اشىلادى. بۇل ٷندٸستاننان, قىتايدان جەنە باسقا ەلدەردەن كەلەتٸن تۋريستەردٸ شىنىمەن دە قىزىقتىراتىن دٷنيە», - دەپ اتاپ ٶتتٸ توماس تور-ەنسەن.
