الماتى قالاسىنىڭ سوتى ۇستالعان سۋديادان اسا ٸرٸ كٶلەمدە قارجات تەرٸكٸلەندٸ دەگەن اقپاراتتى جوق شىعاردى, دەپ حابارلايدى "ۇلت اقپارات".
«ەلەۋمەتتٸك جەلٸلەردە مەدەۋ اۋداندىق سوتىنىڭ سۋدياسى سۆەتلانا جولمانوۆانى تٸنتۋ كەزٸندە تٶمەندەگٸدەي اقشا تابىلدى دەگەن اقپارات تارادى: (كابينەتٸنەن 4 500 دوللار, ٷيٸن تٸنتۋ بارىسىندا 2 800 000 دوللار, جەكە كٶلٸگٸنەن 600 000 دوللار, زاسترويششيكتەن - 1 180 000 دوللار پارا العان) دەگەن. بۇل اقپارات شىندىققا جاناسپايدى. سۋديانىڭ كەڭسەسٸنەن 10 000 دوللار تەركٸلەندٸ, ٷيٸنەن ەشتەڭە تەركٸلەنبەگەنٸن حابارلايمىز» ,- دەپ اتاپ ٶتتٸ الماتى قالالىق سوتىنان.
سۋديانىڭ ٶكٸلەتتٸگٸ قازاقستان رەسپۋبليكاسى جوعارعى سوتى تٶراعاسىنىڭ بۇيرىعىمەن توقتاتىلدى.
الماتى قالالىق سوتى جالعان اقپارات تاراتۋمەن اينالىسقان ادامداردى جاۋاپقا تارتۋ تۋرالى الماتى قالاسىنىڭ پروكۋراتۋراسىنا ارىز تٷسٸردٸ.
