الماتى قالالىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا "شەكارادان كونتراباندالىق تاۋار ٶتكٸزبەك بولدى" جەنە "ترانسۇلتتىق ۇيىمداسقان توپقا قاتىستى" دەپ كٷدٸككە ٸلٸنگەن قىرعىزستان پارلامەنتٸنٸڭ بۇرىنعى دەپۋتاتى داميربەك اسىلبەكۋۋلۋ مەن 11 ادامنىڭ سوت وتىرىسى جالعاستى, دەپ حابارلايدى ازاتتىق.
تاڭەرتەڭ 10.00-دە باستالعان سوت وتىرىسىنا ونداعان ادام قاتىستى. ەكٸ پروكۋرور ٸس بويىنشا سوتقا تارتىلعان 12 ادامعا ايىپتاۋ اكتٸسٸن جەكە-جەكە كەزەكتەسە وقىدى.
ايىپتاۋشىلاردىڭ سٶزٸنشە, كٷدٸكتٸلەردٸڭ "ترانسۇلتتىق ۇيىمداسقان توپ قۇرعانى" تولىق دەلەلدەنگەن. ولار "ەكونوميكاعا 99 ميلليون تەڭگە كٶلەمٸندە زالال كەلگەنٸن" ايتىپ, بۇل سومانى ايىپتالۋشىلار ەسەبٸنەن مەملەكەت پايداسىنا ٶندٸرۋدٸ سۇرادى.
الماتىدا اباقتىدا وتىرعان قىرعىزستان جوگوركۋ كەنەشٸنٸڭ بۇرىنعى دەپۋتاتى داميربەك اسىلبەكۋۋلۋن پروكۋرورلار قىلمىستىق كودەكستٸڭ مiندەتتەرiنە ادال قاراماۋ (254-باپ) جەنە ەكونوميكالىق كونتراباندا باپتارىمەن (234-باپ) ايىپتى دەپ تانىپ, 12 جىل باس بوستاندىعىنان ايىرۋدى, قاۋٸپسٸزدٸگٸ جوعارى مەكەمەگە جٸبەرٸپ, ەكس-دەپۋتاتتى ەلدەن جازاسىن ٶتەگەن سوڭ عانا شىعارۋدى سۇرادى.
ايىپتاۋ اكتٸسٸ بويىنشا, قىرعىزستان پارلامەنتٸنٸڭ دەپۋتاتى قىزمەتٸن اتقارىپ جٷرگەن اسىلبەكۋۋلۋ 2016 جىلى قاراشادا پايدا تابۋ جەنە زاڭسىز بايۋ ماقساتىندا ٶزٸنٸڭ قىزمەتٸن پايدالانىپ, ترانسۇلتتىق ۇيىمداسقان قىلمىستىق توپ قۇرعان. پروكۋرورلار "ەكس-دەپۋتات بۇل توپتى قىرعىزستاننان قازاقستان مەن رەسەيگە تاۋارلار جٸبەرٸپ, ەكونوميكالىق كونتراباندا ٷشٸن باسقارعان" دەدٸ.
پروكۋرورلاردان سوڭ سٶز العان اسىلبەكۋلۋۋنىڭ ادۆوكاتى اسقار بايمۇراتوۆ ەكس-دەپۋتاتقا تاعىلعان ايىپتارمەن كەلٸسپەيتٸنٸن ايتتى. ونىڭ سٶزٸنشە, ايىپتار "ويدان قۇرالىپ, قولدان جاسالعان".
تەرگەۋ "ۇيىمداسقان توپ باسشىسى" دەپ اتاعان كٷدٸكتٸنٸڭ بٸرٸ ەسبول جاپباسوۆقا - 15 جىل, قالعان كٷدٸكتٸلەرگە 7-12 جىل ارالىعىندا تٷرمە جازاسىن كەسۋدٸ سۇرادى.
پروكۋرورلار كٷدٸكتٸلەردٸڭ "قىلمىستىق جولمەن تاپقان دٷنيەسٸن" تەركٸلەۋدٸ سۇرادى.
ايتا كەتەيٸك, داميربەك اسىلبەكۋۋلۋ 2018 جىلى 15-16 اقپان كٷندەرٸ سول كەزدەگٸ وڭتٷستٸك قازاقستان وبلىسى مەن جامبىل وبلىسىندا ٶتكەن ارنايى وپەراتسييا بارىسىندا ۇستالعان. ارنايى وپەراتسييادا ۇستالعان 35 ادامنىڭ اراسىندا كەدەن ورگاندارى, شەكارا قىزمەتٸنٸڭ لاۋازىمدى تۇلعالارى, بروكەرلەر بولعان. ۇستالعانداردىڭ ٷشەۋٸ – قىرعىزستان ازاماتى.
بۇل ٸس بويىنشا اسىلبەكۋۋلۋنان ٶزگە 11 ادام سوتقا تارتىلعان.
الماتى قالاسىنىڭ المالى اۋداندىق سوتى 17 اقپاندا قىرعىزستان ازاماتتارىن ەكٸ ايعا قاماۋ تۋرالى شەشٸم شىعارىپ, كەيٸن قاماۋ مەرزٸمٸ بٸرنەشە رەت ۇزارتىلعان. سوت كەزٸندە دەپۋتاتتىڭ قازاقستان ازاماتتىعىنان ايرىلعانى بەلگٸلٸ بولدى.
