الماتىدا بٸرٸككەن اراب ەمٸرلٸكتەرٸنەن كەلگەن تۋريست راشيد ابدۋلكاريم مۇحاممەد كەرٸم ەلبلوكي ٶزٸنٸڭ بەينەكامەراسىن تاكسيدە ۇمىتىپ كەتكەن. پوليتسييا قىزمەتكەرلەرٸ شەتەلدٸك ازاماتتىڭ جوعالعان زاتىن تاۋىپ بەردٸ, دەپ حابارلايدى "ۇلت اقپارات".
باە ازاماتى بوستاندىق اۋدانىندا ورنالاسقان ساۋدا-ويىن-ساۋىق ورتالىعىنا بارۋ ٷشٸن تاكسيگە وتىرعان. دٸتتەگەن جەرٸنە جەتكەن ول كٶلٸكتەن تٷسٸپ قالعان. بٸرنەشە مەتر جٷرٸپ ٶتكەن سوڭ, ەر ادام تاكسيدە «Canon» بەينەكامەراسىن تاستاپ كەتكەنٸن ەسٸنە تٷسٸرەدٸ. شەتەلدٸك ازامات بٸردەن «102» -گە قوڭىراۋ شالدى. كەزەكشٸ وپەراتور تۋريستٸڭ ٶتٸنٸشٸن شەت تٸلٸندە قابىلداپ العان.
بوستاندىق اۋداندىق پوليتسييا بٶلٸمٸنٸڭ قىزمەتكەرلەرٸ, بٸرنەشە ساعاتتىڭ ٸشٸندە تاكسيدٸ انىقتاپ, بەينەكامەرانى يەسٸنە قايتارىپ بەردٸ. ٶز كەزەگٸندە, راشيد ابدۋلكاريم مۇحاممەد كەرٸم ەلبلوكي پوليتسيياعا كٶرسەتكەن كٶمەگٸ ٷشٸن العىس ايتتى.
«مەنٸڭ بەينەكامەرامدى تەز ارادا تاۋىپ بەرگەن پوليتسيياعا ٶتە ريزامىن. بۇل مەن ٷشٸن ٶتە ماڭىزدى», - دەدٸ شەتەلدٸك تۋريست.
