الماتىدا زاڭسىز جٷرگەن شەتەلدٸكتەردٸ انىقتاۋعا ارنالعان «زاڭسىز كەلٸمسەك-2019» جالپىۇلتتىق جەدەل الدىن الۋ شاراسى باستالدى, دەپ حابارلايدى "ۇلت اقپارات".
اكتسييا مەگاپوليستە زاڭسىز جٷرگەن ادامداردى انىقتاۋعا جەنە زاڭسىز كٶشٸ-قون ارنالارىن توقتاتۋعا باعىتتالعان. ٸزدەستٸرۋ جۇمىستارى 9 قىركٷيەكتەن 12 قىركٷيەككە دەيٸن جالعاسادى.
«رەيدتٸڭ العاشقى كٷنٸندە قر كٶشٸ-قون زاڭناماسىن بۇزعان 235 ادام انىقتالىپ, جاۋاپقا تارتىلدى. ونىڭ 177-سٸ - شەتەل ازاماتتارى. 46 ادامنىڭ ەلدە جٷرٸپ-تۇرۋ مەرزٸمٸ قىسقارتىلدى. 54 ازامات سوت شەشٸمٸمەن ەلدەن شىعارىلدى. قابىلداۋ جەنە تاراتۋ ورتالىعىنا قۇجاتى جوق 64 شەتەلدٸك ورنالاستىرىلدى. شەتەلدٸكتەردٸڭ قازاقستاندا جٷرٸپ-تۇرۋ زاڭدىلىعىن قامتاماسىز ەتپەگەنٸ ٷشٸن 46 قازاقستاندىق ەكٸمشٸلٸك جاۋاپكەرشٸلٸككە تارتىلدى. سونىمەن بٸرگە, 12 جۇمىس بەرۋشٸ شەتەلدٸك جۇمىس كٷشٸن تارتۋ ەرەجەلەرٸن بۇزعانى ٷشٸن جاۋاپ بەرەدٸ», - دەيدٸ الماتى قالالىق پوليتسييا دەپارتامەنتٸنٸڭ كٶشٸ-قون قىزمەتٸنٸڭ باستىعى اسحات بۋتۋنچينوۆ.
