فوتو: الماتى ەكٸمدٸگٸ
الماتىدا مەديتسينالىق تۋريزمدٸ دامىتۋعا ارنالعان حالىقارالىق فورۋم ٶتٸپ جاتىر. بۇل جيىنعا دەنساۋلىق ساقتاۋ جٷيەسٸنٸڭ ٶكٸلدەرٸن, تۋريستٸك سالا ماماندارىن جەنە حالىقارالىق سەرٸكتەستەر قاتىسىپ وتىر. بۇل تۋرالى قالالىق تۋريزم باسقارماسىنىڭ ٶكٸلدەرٸ حابارلادى.
فورۋم بارىسىندا حالىقارالىق ىنتىماقتاستىقتى كەڭەيتۋ, جوعارى تەحنولوگييالىق ەمدەۋ ەدٸستەرٸن ەنگٸزۋ جەنە مەديتسينالىق قىزمەتتەردٸڭ بەسەكەگە قابٸلەتتٸلٸگٸن ارتتىرۋ مەسەلەلەرٸ تالقىلاندى.
«قازٸرگٸ تاڭدا قازاقستان, سونىڭ ٸشٸندە الماتى قالاسى, ورتالىق ازيياداعى مەديتسينالىق تۋريزمنٸڭ جەتەكشٸ ورتالىقتارىنىڭ بٸرٸنە اينالىپ كەلەدٸ. بٸز دامىعان تۋريستٸك ينفراقۇرىلىمدى, ساپالى مەديتسينالىق قىزمەت كٶرسەتۋدٸ جەنە قولايلى كٶلٸك قاتىناسىن تيٸمدٸ ۇشتاستىرىپ وتىرمىز», - دەدٸ شاھاردىڭ شەتەلدٸك پاتسيەنتتەردٸ تارتۋداعى ەلەۋەتٸ جوعارى ەكەنٸن اتاعان الماتى قالاسى تۋريزم باسقارماسى باسشىسىنىڭ ورىنباسارى اقمارال ەششانوۆا.
ونىڭ ايتۋىنشا, قالادا پاتسيەنتتەرگە كەشەندٸ قىزمەت كٶرسەتۋ جٷيەسٸ جولعا قويىلىپ كەلەدٸ. ساپاردى ۇيىمداستىرۋدان وڭالتۋعا دەيٸن تٸزبەك تولىق قاراستىرىلعان. ال حالىقارالىق ستاندارتتاردى ەنگٸزۋ شەتەلدٸك ازاماتتاردىڭ سەنٸمٸن ارتتىرىپ وتىر.
فورۋم اياسىندا ٷندٸستانمەن ەرٸپتەستٸك مەسەلەسٸنە ەرەكشە نازار اۋدارىلدى.
«الماتى مەن ٷندٸستان مەديتسينالىق تۋريزم سالاسىنداعى ىنتىماقتاستىقتى دامىتۋعا تۇراقتى قىزىعۋشىلىق تانىتىپ وتىر. بٸرلەسكەن باستامالار تەجٸريبە الماسۋعا جەنە زاماناۋي مەديتسينالىق تەحنولوگييالاردى ەنگٸزۋگە جول اشادى», — دەدٸ ٷندٸ دەلەگاتسيياسىنىڭ ٶكٸلٸ شري حوتي لال.
«قازاقستان پاتسيەنتتەر ٷشٸن تارتىمدىلىقتىڭ نەگٸزگٸ العىشارتتارىنا يە. مەديتسينالىق كٶمەكتٸڭ ساپاسى مەن قاۋٸپسٸزدٸگٸ مەملەكەت تاراپىنان كەپٸلدەندٸرٸلگەن. ال دەنساۋلىق ساقتاۋ جٷيەسٸ حالىقارالىق ستاندارتتار مەن دەلەلدٸ مەديتسينا قاعيداتتارىنا نەگٸزدەلگەن», - دەدٸ سالانى دامىتۋدىڭ جٷيەلٸ تەسٸلٸن اتاعان ساليدات قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعى باسقارما تٶراعاسىنىڭ ورىنباسارى شولپان قارجاۋباەۆا.
فورۋم اياسىندا ونكولوگييا, ترانسپلانتولوگييا جەنە نەيروحيرۋرگييا سالالارىن دامىتۋ, سونداي-اق وزىق مەديتسينالىق تەحنولوگييا ەنگٸزۋ مەسەلەلەرٸ قاراستىرىلدى.
قاتىسۋشىلاردىڭ پٸكٸرٸنشە, حالىقارالىق ىنتىماقتاستىقتى نىعايتۋ الماتىعا شەتەلدٸك پاتسيەنتتەر لەگٸن ارتتىرىپ, مەديتسينالىق ينفراقۇرىلىمنىڭ ودان ەرٸ دامۋىنا سەرپٸن بەرەدٸ.
