الماتىنىڭ ورتالىعىندا ورنالاسقان «ٷرٸمشٸ» اسحاناسىنان ٶرت شىقتى, دەپ حابارلايدى "ۇلت اقپارات".
الماتى قالالىق تجد حابارلاۋىنشا, بٷگٸن تاڭعى ساعات 07:37– تا ٶرت سٶندٸرۋ بٶلٸمٸنە گوگوليا–قايىربەكوۆا كٶشەسٸنٸڭ قيىلىسىندا ورنالاسقان اسحانادان ٶرت شىققانى تۋرالى تۋرالى حابارلاما كەلٸپ تٷستٸ.
«وقيعا ورنىنا ٶرت سٶندٸرۋشٸلەر 6 مينۋتتا جەتتٸ. «ٷرٸمشٸ» اسحاناسىنان شىققان ٶرتتٸ سوندا ٸستەيتٸن جۇمىسشىلار ٶزدەرٸ ٶشٸرۋگە تىرىسقان. ٶرت سٶندٸرۋشٸلەر اسحانادان 50 ليترلٸك 7 گاز باللونىن سىرتقا شىعارىپ, قىزىل جالىندى 11 مينۋتتا تولىقتاي سٶندٸردٸ» – دەدٸ تجد باسپاسٶز قىزمەتٸ
ٶرت 60 شارشى مەتر اۋماقتى شارپىدى. ونى سٶندٸرۋگە 4 بٸرلٸك تەحنيكا مەن 17 ادام جۇمىلدىرىلدى.
