استانا حالىقارالىق ەۋەجايىنىڭ باسپاسٶز قىزمەتٸ
الماتىدان ورالعا ۇشىپ شىققان رەيستٸڭ بورتىندا بالانىڭ تىنىس الۋى ناشارلاپ, جٷرەگٸ توقتاپ قالدى. قۋانىشقا وراي, بورتتان دەرٸگەر تابىلىپ, كٸشكەنتاي جولاۋشىنى رەانيماتسييالاي العان, - دەپ حابارلايدى "ۇلت اقپارات" "موي گورود" سايتىنا سٸلتەمە جاساپ.
وقىس وقيعا 11 اقپاندا بولعان. بالا بۇعان دەيٸن ديسپانسەرلٸك ەسەپتە تۇرعانى بەلگٸلٸ بولدى.
بٷلدٸرشٸن اۋىرىپ قالعان سەتتە ۇشاق بورتىندا وبلىستىق كٶپسالالى بالالار اۋرۋحاناسىنىڭ دەرٸگەرٸ بولعان. دەرٸگەر بالانى تەكسەرٸپ شىعىپ, شۇعىل تٷردە رەانيماتسييالادى. كەيٸن بالاعا دەرٸ-دەرمەك تاعايىندالدى.
ورال ەۋەجايىنا قونعاننان كەيٸن ناۋقاس جەدەل مەديتسينالىق جەردەم بريگاداسىنا تاپسىرىلدى.
دەرٸگەردٸڭ اتى-جٶنٸ بەلگٸسٸز. دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, ول اتىن جارييا ەتپەۋدٸ سۇراعان.
