الماتى وبلىسىنىڭ تاۋلارىندا قاتتى جاڭبىردان كەيٸن تاعى دا سەل جٷردٸ. لاي-باتپاق ارالاس تاسقىن سارىٶزەك-كٶكتال تاس جولىندا, پانفيلوۆ اۋدانىنا قاراستى اقجازىق اۋىلىنىڭ ماڭىنان 9 ماۋسىم كٷنٸ كەشكٸ 17.00 شاماسىندا اعىپ ٶتكەن, - دەپ حابارلايدى "ۇلت اقپارات".
ٶزەن كٶپٸرٸنٸڭ استى سەلمەن اعىپ كەلگەن اعاشتارمەن بٸتەلٸپ, باتپاق جولدىڭ ٷستٸنە جايىلعان. تاس جولدىڭ جابىندىسىنا زييان كەلگەن جوق. قازٸرگٸ تاڭدا ماماندار جول ساپاسىن تەكسەرٸپ, حاتتاما تولتىرۋدا. تابيعاتتىڭ توسىن مٸنەزٸنەن زارداپ شەككەندەر جوق, ماتەريالدىق شىعىن كەلمەگەن.
ايتا كەتۋ كەرەك الماتى وبلىسىنىڭ تاۋلى ايماقتارىندا كٷن كٷركٸرەپ, جاڭبىر جاۋىپ, سەل جٷرۋ قاۋپٸ ارتا تٷسكەن. سوندىقتان قۇتقارۋشىلار تۇرعىندار مەن تاۋدا دەمالۋشىلارعا بارىنشا ساق بولۋدى ەسكەرتەدٸ.
«ەڭ بٸرٸنشٸ حالىققا ايتاتىنىمىز جاۋىن-شاشىن كەزٸندە, اۋا رايى كٷرت ٶزگەرگەن جاعدايدا, تاۋلى ايماققا جەنە ٶزەن جاعالاۋلارىن بارماۋىن سۇرايمىز»,- دەدٸ «قازسەلدەنقورعاۋ» مم جەتٸسۋ الاتاۋى اۋماقتىق پايدالانۋ باسقارماسى فيليالى جەتەكشٸسٸنٸڭ ورىنباسارى ايدوس سابىرباەۆ.
