Almaty oblysynyń taýlarynda qatty jańbyrdan keiin taǵy da sel júrdi. Lai-batpaq aralas tasqyn Saryózek-Kóktal tas jolynda, Panfilov aýdanyna qarasty Aqjazyq aýylynyń mańynan 9 maýsym kúni keshki 17.00 shamasynda aǵyp ótken, - dep habarlaidy "Ult aqparat".
Ózen kópiriniń asty selmen aǵyp kelgen aǵashtarmen bitelip, batpaq joldyń ústine jaiylǵan. Tas joldyń jabyndysyna ziian kelgen joq. Qazirgi tańda mamandar jol sapasyn tekserip, hattama toltyrýda. Tabiǵattyń tosyn minezinen zardap shekkender joq, materialdyq shyǵyn kelmegen.
Aita ketý kerek Almaty oblysynyń taýly aimaqtarynda kún kúrkirep, jańbyr jaýyp, sel júrý qaýpi arta túsken. Sondyqtan qutqarýshylar turǵyndar men taýda demalýshylarǵa barynsha saq bolýdy eskertedi.
«Eń birinshi halyqqa aitatynymyz jaýyn-shashyn kezinde, aýa raiy kúrt ózgergen jaǵdaida, taýly aimaqqa jáne ózen jaǵalaýlaryn barmaýyn suraimyz»,- dedi «QAZSELDENQORǴAÝ» MM Jetisý Alataýy aýmaqtyq paidalaný basqarmasy filialy jetekshisiniń orynbasary Aidos Sabyrbaev.
