الماتى وبلىسى پوليتسييا دەپارتامەنتٸنٸڭ تەرتٸپ ساقشىلارى ەكٸمشٸلٸك قۇقىق بۇزۋشىلىق ايىپپۇلدارىن تٶلەۋ تەرتٸبٸن تٷسٸندٸردٸ, دەپ حابارلايدى «ۇلت اقپارات» الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«ەكٸمشٸلٸك جازا ايىپپۇل تٷرٸندە قولدانىلعان جاعدايدا, سٸز جەتٸ تەۋلٸك ٸشٸندە ايىپپۇل سوماسىنىڭ 50% عانا تٶلەۋگە قۇقىعىڭىز بار. جەتٸ تەۋلٸك ٶتكەننەن كەيٸن ايىپپۇل جازا قولدانىلعان كٷننەن باستاپ كٷنتٸزبەلٸك وتىز كٷننەن كەشٸكتٸرٸلمەي ەرٸكتٸ تٷردە تولىق مٶلشەردە تٶلەنۋگە جاتادى. ايىپپۇل ەكٸنشٸ دەڭگەيلٸ بانكتەردٸڭ كاسسالارىندا, سونداي-اق ەلەكتروندى تٶلەم تەرمينالدارى ارقىلى, سمارتفونعا بەكٸتٸلگەن تٷرلٸ قوسىمشالار ارقىلى تٶلەنەدٸ», – دەيدٸ الماتى وبلىسى پوليتسييا دەپارتامەنتٸنٸڭ ەكٸمشٸلٸك پراكتيكا بٶلٸمٸ باسشىسى, پوليتسييا مايورى سايات يبرايموۆ.
ەگەر ايىپپۇل تٶلەنگەننەن كەيٸن اۆتوماتتى تٷردە سمارتفوننان جويىلماسا, وندا تٶلەم تۋرالى تٷبٸرتەك حاتتاما جاسالعان جەردەگٸ نەمەسە تۇرعىلىقتى جەرٸڭٸزدەگٸ ەكٸمشٸلٸك تەجٸريبە بٶلٸمٸنە ۇسىنىلۋى كەرەك.
«ايىپپۇلدى ەلەكتروندىق تٶلەم تەرمينالدارى ارقىلى تٶلەگەن جاعدايدا سٸز حاتتاما نٶمٸرٸن كٶرسەتەسٸز, تٶلەم بەلگٸسٸ رەسپۋبليكالىق دەرەكتەر بازاسىندا اۆتوماتتى تٷردە قويىلادى. سونداي-اق ايىپپۇل تٶلەۋ تۋرالى ەكٸمشٸلٸك پراكتيكا بٶلٸمدەرٸنە حابارلاۋ مٸندەتٸنەن بوساتىلاسىز, تٶلەمدٸ تەكسەرۋ ٷشٸن تٷبٸرتەكتٸ ەكٸمشٸلٸك پراكتيكا بٶلٸمٸنە ۇسىنا الاسىز. فوتو-بەينە تٸركەۋ جٷيەلەرٸمەن انىقتالعان بۇزۋشىلىقتار بويىنشا ايىپپۇلدىڭ بولۋى تۋرالى اقپاراتتى ەgov.kz ەلەكتروندىق ٷكٸمەت پورتالى ارقىلى الا الاسىز», – دەپ تولىقتىردى سايات يبرايموۆ.
ايىپپۇل ەرٸكتٸ تٷردە تٶلەنبەگەن جاعدايدا, ماتەريال قىرىق تەۋلٸك ٶتكەننەن كەيٸن ورىنداۋعا بايلانىستى شىعىندار ٷشٸن ايىپپۇل سوماسىنىڭ 20%-ىنا قوسىمشا اقى تٶلەي وتىرىپ, مەجبٷرلەپ ورىنداتۋ ٷشٸن سوت ورىنداۋشىلارىنا ەلەكتروندىق فورماتتا اۆتوماتتى تٷردە جٸبەرٸلەدٸ.
ايىپپۇلدى ۋاقتىلى تٶلەمەگەن ادام جازانى ورىنداۋدان جالتارعان بولىپ ەسەپتەلەدٸ.
