فوتو: qazaqstan3d.kz
الماتى وبلىسىندا ەكٸ ەلدٸ مەكەننٸڭ اتاۋى ٶزگەردٸ. قازتسيك اۋىلى قازاق تەاتر پەداگوگيكاسىنىڭ نەگٸزٸن قالاۋشى اسقار توقپانوۆتىڭ ەسٸمٸمەن اتالدى, دەپ حابارلايدى Almaty.tv تەلەارناسى.
وسىعان وراي اۋىلدا سالتاناتتى ٸس-شارا ۇيىمداستىرىلدى. قىزىل لەنتانى قييۋ قۇرمەتٸ قۇرمەتتٸ قوناقتارعا بەرٸلدٸ. اشىلۋ رەسٸمٸنە قاتىسقان تۇرعىندار بۇل شەشٸمگە قۋانىپ, ونى قازاقستاننىڭ مەدەني مۇراسىن ساقتاۋ مەن ناسيحاتتاۋعا ماڭىزدى قادام دەپ سانايدى. سونىمەن قاتار, وسى كٷنٸ كومسومول اۋىلى جايناق دەپ ٶزگەرتٸلدٸ.
"قازتسيك اۋىلى دا, كومسومول اۋىلى دا جاڭا اتاۋلارعا يە بولىپ وتىر. بۇل بەرٸمٸز ٷشٸن ماڭىزدى وقيعا. ەلدٸ مەكەنٸمٸزگە اسقار توقپانوۆ سيياقتى كٶرنەكتٸ تۇلعانىڭ ەسٸمٸن بەرگەندەرٸ ٶتە دۇرىس شەشٸم دەپ ويلايمىن", - دەدٸ ا. توقپانوۆ اۋىلىنىڭ تۇرعىنى عالييا ساعىمبەكوۆا.
