الماتى وبلىسىندا جانتٷرشٸگەرلٸك جول اپاتى بولدى, - دەپ حابارلايدى ستۆ ارناسىنىڭ "تەرريتورييا پرويسشەستۆيي" باعدارلاماسىنىڭ تٸلشٸسٸ.
جول-كٶلٸك وقيعاسى الماتى - استانا تاس جولىنىڭ 32-شٸ شاقىرىمىندا بولعان. الدىن الا مەلٸمەت بويىنشا, Mitsubishi Galant جٷرگٸزۋشٸسٸ شامالعان ستانتسيياسىنا قاراي جٷرٸپ كەلە جاتىپ, بەلگٸسٸز سەبەپتەرمەن قارسى باعىتتاعى جولعا شىعىپ كەتكەن. سٶيتٸپ, قارسى باعىتتا كەلە جاتقان Toyota Corolla كٶلٸگٸمەن بەتپە-بەت سوعىسقان. سوققىدان التى ادام العان جاراقاتتارىنان وقيعا ورنىندا مەرت بولدى, بٸر بالا اۋىر جاعدايدا اۋرۋحاناعا جەتكٸزٸلدٸ. وقيعانىڭ مەن-جايىن الماتى وبلىستىق پوليتسييا انىقتاپ جاتىر.
"جول-پاترۋلدٸك پوليتسيياسى قىزمەتكەرلەرٸنٸڭ الدىن الۋ شارالارىن ٶتكٸزٸپ جاتقانىنا قاراماستان, جٷرگٸزۋشٸلەر جولدا جول قوزعالىسى ەرەجەسٸن ساقتاماۋىن جالعاستىرىپ جاتىر, بۇل وسىنداي قايعىلى جاعدايعا دۋشار ەتەدٸ", - دەپ حابارلادى پوليتسييا قىزمەتكەرلەرٸ.
