Almaty oblysynda jantúrshigerlik jol apaty boldy, - dep habarlaidy STV arnasynyń "Territoriia proisshestvii" baǵdarlamasynyń tilshisi.
Jol-kólik oqiǵasy Almaty - Astana tas jolynyń 32-shi shaqyrymynda bolǵan. Aldyn ala málimet boiynsha, Mitsubishi Galant júrgizýshisi Shamalǵan stantsiiasyna qarai júrip kele jatyp, belgisiz sebeptermen qarsy baǵyttaǵy jolǵa shyǵyp ketken. Sóitip, qarsy baǵytta kele jatqan Toyota Corolla kóligimen betpe-bet soǵysqan. Soqqydan alty adam alǵan jaraqattarynan oqiǵa ornynda mert boldy, bir bala aýyr jaǵdaida aýrýhanaǵa jetkizildi. Oqiǵanyń mán-jaiyn Almaty oblystyq politsiia anyqtap jatyr.
"Jol-patrýldik politsiiasy qyzmetkerleriniń aldyn alý sharalaryn ótkizip jatqanyna qaramastan, júrgizýshiler jolda jol qozǵalysy erejesin saqtamaýyn jalǵastyryp jatyr, bul osyndai qaiǵyly jaǵdaiǵa dýshar etedi", - dep habarlady politsiia qyzmetkerleri.
