الماتى وبلىسىنىڭ ەكٸمٸ اماندىق باتالوۆ جامبىل جاباەۆ پەن مۇقاعالي ماقاتاەۆتىڭ مەرەيتويلارى قالاي اتالىپ ٶتەتٸنٸن ايتىپ بەردٸ, دەپ حابارلايدى قازاقپارات.
«جامبىل اتامىزدىڭ مەرەيتويىنا ٶتكەن جىلدان باستاپ دايىندالدىق. ەڭ بٸرٸنشٸ ونىڭ جاتقان جەرٸ, ماۆزولەيٸ, مۋزەيٸ جەنە الاڭىن اباتتاندىرۋعا قارجى بٶلٸپ, قالپىنا كەلتٸرٸلدٸ. ول جەرگە كٶپ ادام بارادى, تاعزىم جاسايدى. سوندىقتان, وسى جۇمىستاردى اياقتادىق. جامبىل اتامىزدىڭ 30 تومدىق كٸتابىن شىعارۋعا دايىندالىپ جاتىرمىز, وعان قاراجات بٶلٸندٸ. ۋەليحان قايىرجان دەگەن جازۋشىنىڭ ۇسىنىسىمەن «جامبىل» كٸتابى شىعارىلدى. ودان باسقا, جامبىل تۋرالى سپەكتاكلدەر قويىلىپ, «جەتٸسۋ» تەلەارناسىندا ارنايى باعدارلامالار كٶرسەتٸلٸپ جاتىر», - دەپ جاۋاپ بەردٸ ا. باتالوۆ قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا تٸلشٸ سۇراعىنا.
ٶڭٸر ەكٸمٸ مۇقاعالي ماقاتاەۆتىڭ 80 جىلدىق تويىندا بٸرقاتار جۇمىس اتقارىلعانىن اتاپ ٶتتٸ. بيىلعى 90 جىلدىعىنا دا قاراساز اۋىلىنىڭ جولىن, مەدەنيەت ٷيٸن, اقىن مۋزەيٸن قالپىنا كەلتٸرٸپ, ٶنەر مەكتەبٸن اشۋ ۇسىنىسى قولعا الىنعان.
«ٶزدەرٸڭٸز بٸلەتٸندەي, رايىمبەك اۋدانى اشىلىپ, نارىنقول اۋىلى ورتالىق اتاندى. سول جەردە حالىقپەن كەزدەسكەندە ٷلكەن كٸسٸلەر نارىنقولدىڭ دەل ورتاسىنا ساياباق جاساپ, مۇقاعالي ماقاتاەۆتىڭ ەسكەرتكٸشٸن قويۋ تۋرالى ۇسىنىس جاسادى. قازٸر ساياباق جەرٸن الدىق, 2-3 ٷيدٸ ساتىپ الىپ, باسقا جاققا كٶشٸردٸك. كٷزگە قاراي اقىن ەسكەرتكٸشٸ ورناتىلادى, ساياباق اشىلادى. م. ماقاتاەۆتىڭ دا كٸتابى شىعارىلىپ, اقىندارمەن كەزدەسۋ شارالارى ٶتٸپ جاتىر», - دەدٸ ا. باتالوۆ.
