فوتو: baq.kz
الماتى وبلىسى ٸلە اۋداندىق سوتى تالعار اۋداندىق سوتىنىڭ سۋدياسى ا.بايعاليەۆ پەن وسى سوتتىڭ پريستاۆى ك.رايمبەكوۆكە قاتىستى ٷكٸم شىعاردى, دەپ حابارلايدى «ۇلت اقپارات» سىبايلاس جەمقورلىققا قارسى ٸس-قيمىل اگەنتتٸگٸنٸڭ الماتى وبلىسى بويىنشا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
سۋديا سوت پريستاۆىنىڭ دەلدالدىعىمەن جاس بالانىڭ جىنىستىق تيٸسپەۋشٸلٸگٸنە قارسى اسا اۋىر قىلمىس جاساعان ادامعا قاتىستى مەديتسينالىق سيپاتتاعى مەجبٷرلەۋ شارالارىنان ٶتۋ شارتتارىن ٶزگەرتكەنٸ ٷشٸن 2 ملن تەڭگە مٶلشەرٸندە پارا العانى ٷشٸن كٸنەلٸ دەپ تانىلدى.
"بايعاليەۆ 4 جىلعا باس بوستاندىعىنان ايىرىلىپ, دەلدال رايمبەكوۆكە 20 ملن تەڭگە كٶلەمٸندە ايىپپۇل سالىندى. سونداي-اق, سوتتالعاندار مەملەكەتتٸك قىزمەت اتقارۋ قۇقىعىنان ٶمٸر بويىنا ايىرىلدى. قر قك 41-بابىنا سەيكەس ايىپپۇل بەلگٸلەنگەن مەرزٸمدە تٶلەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى. سوت ٷكٸمٸ زاڭدى كٷشٸنە ەنگەن جوق", - دەپ حابارلادى سىبايلاس جەمقورلىققا قارسى ٸس-قيمىل اگەنتتٸگٸنٸڭ الماتى وبلىسى بويىنشا دەپارتامەنتٸنٸڭ باسپاسٶز قىزمەتٸ.
