الماتى وبلىسىندا پاراپلانمەن ۇشقاندار جارىق باعاناسىنا سوعىلىپ, ەكٸ ادام اۋرۋحاناعا تٷستٸ. قازٸر 50 جاستاعى ازاماتتىڭ جاعدايى ٶتە اۋىر, جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
وقىس وقيعانىڭ بارىسى ۆيدەوعا تٷسٸپ قالعان.
«9 مامىر كٷنٸ شامالعان اۋىلىنىڭ جوعارعى بٶلٸگٸندە وقىس جاعداي بولدى. پاراپلانمەن ۇشقان دەمالۋشىلار اياق استى ۇيىتقىپ سوققان جەلدەن قۇرىلعىعا يە بولا الماي, جارىق باعاناسىنا سوعىلدى. پاراپلاندا بولعان ەكٸ ادامنىڭ بٸرٸ قازٸر اۋىر جاعدايدا جاتىر, ەكٸنشٸسٸ جەڭٸل جاراقات العان. وسىعان وراي وكرۋگ تۇرعىندارى مەن قوناقتارىنان ٶز ٶمٸرلەرٸڭٸز بەن دەنساۋلىقتارىڭىزعا قاۋٸپ تٶندٸرمەۋدٸ سۇرايمىز. تابيعات اياسىندا سەيٸلدەۋگە شىعاردا اۋا رايى بولجامىنا نازار اۋدارىڭىزدار» دەپ جازىلعان ەلەۋمەتتٸك جەلٸدەگٸ جازبادا.
الماتى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ 1971 جىلعى ازاماتتىڭ جاعدايى اۋىر ەكەنٸن جەتكٸزدٸ.
«9 مامىر كٷنٸ قاراساي اۋداندىق اۋرۋحاناسىنا پاراپلاننان قۇلاعان ەكٸ ادام تٷستٸ. 1971 جىلى تۋعان ناۋقاستىڭ جاعدايى اۋىر. جانساقتاۋ بٶلٸمٸنە جاتقىزىلدى. بٸرنەشە سٷيەگٸ سىنعان. باسىنان سوققى العان. ال 2004 جىلعى ناۋقاس تراۆماتولوگييا بٶلٸمٸندە ەم قابىلداپ جاتىر. ميى شايقالعان. جاعدايى ورتاشا. ومىرتقاسى سىنعان» دەلٸنگەن ۆەدومستۆونىڭ حابارلاماسىندا.
