الماتى وبلىسىندا ويىن اۆتوماتتارىنا ميلليونداپ قارجى ۇتىلعان بٸر توپ ازامات قۇرىلعىلاردىڭ كٶزٸن جويۋدى تالاپ ەتۋدە, دەپ حابارلايدى قازاقپارات تٸلشٸسٸ.
شاعىمدانۋشىلار ونداي اۆتوماتتار مەكتەپتٸڭ قاسىندا, حالىق كٶپ جينالاتىن ساۋدا ورىندارىندا كٶپ تۇرعانىن ايتادى. ال ەكٸمدٸك اۆتوماتتار جٶنٸندە زاڭ ورىندارىنا حات جولداعان.
نارازىلىقى تانىتقان تۇرعىنداردىڭ كەيبٸرٸ ويىن اۆتوماتتارىنا ميلليونداعان اقشا ۇتىلعان. ولاردىڭ ايتۋىنشا, اۋىلداعى دٷكەندەردە تەرمينالدىڭ 40-50-ٸ تۇر دەيدٸ. تۇرعىندار ەكٸمدٸككە دە بارعان, زاڭ ورىندارىنا دا شاعىمدانعان.
«تالاي اتا-انا زار جىلاپ وتىر, بالالارى وسىعان كٸرٸپ كەتٸپ. ونىڭ بٸرٸ - مەنمٸن. بالامدى مەن ۇستاي الماي قالدىم. ٶزٸنەن ٶزٸ اقشاسىنىڭ بەرٸن وسىندايعا جوق قىلىپ, ەڭ اقىرى ٶز-ٶزٸنە قول جۇمساپ, قايتىس بولدى», - دەدٸ تۇرار اۋىلىنىڭ تۇرعىنى وڭعارباي ەرٸمبەتوۆ.
«ويىن اۆتوماتتارى تالاي وتباسىن ويرانداپ كەتتٸ», دەيدٸ جينالعاندار. «اپتاسىنا 20 مىڭ, 30 مىڭ تاپسام, وسىعان كەتەدٸ. ونى بەرٸ بٸلەدٸ. وتباسىمەن اجىراسىپ, بالا-شاعامنان ايىرىلىپ قالامىن, قايتىپ قوسىلامىن. سٶيتٸپ جٷرمٸن», - دەدٸ شامالعان اۋىلىنىڭ تۇرعىنى ازامات الپىسباەۆ.
«قانشاما ۇرلىق, تٶبەلەس شىعادى. كەرەك ەمەس بۇل, الىپ تاستاسىن. مەن ويناعالى ٷش ميلليونداي اقشا سالىپ تاستادىم بۇعان», - دەدٸ سول اۋىلدىڭ تۇرعىنى سالامات قادىروۆ.
ٷش ميلليون تەڭگە بۇل - سالاماتتىڭ التى ايدا ۇتىلعان قارجىسى. ال تاعى بٸر جٸگٸتتٸڭ اعاسى 5 ميلليون تەڭگە قۇيىپتى.
«اۋىل حالقىنان شاعىم جيٸ تٷسەدٸ» دەگەن ەكٸمدٸك اۆتوماتتاردىڭ جۇمىسىن توقتاتا الماي وتىر.
«ەكونوميكالىق تەرگەۋ دەپارتامەنتٸنە حات جولدادىم. ماعان جاۋاپ تا كەلدٸ, مٸنە, رەسمي حاتىم بار. بۇل اۆتوماتتاردىڭ بارلىعى - لوتورەيا دەلٸنگەن, بۇنىڭ بارلىعىن زاڭعا سەيكەس تەكسەردٸك دەگەن ولار», - دەدٸ قاراساي اۋدانى جٸبەك جولى وكرۋگٸ ەكٸمٸنٸڭ ورىنباسارى المات قالاباەۆ.
«قۇرىلعىلاردىڭ يەسٸنەن دٷكەن يەلەرٸ اي سايىن اقى الادى» دەيدٸ نارازى توپ. وسىلايشا, ويىن اۆتوماتتارىنان ەبدەن ۇتىلعاندار قۇرىلعىلاردىڭ كٶزٸن جويۋدى تالاپ ەتۋدە.
