الماتى وبلىسىنىڭ ٸلە اۋدانىندا ٶكپەسٸنٸڭ 90 پايىزى زاقىمدانعان جٷكتٸ ەيەل جازىلىپ شىقتى, - دەپ حابارلايدى قازاقپارات.
الماتى وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, ەم-شارا ەكمو (ەكستراكورپورالدى مەمبرانالىق وكسيگەناتسييا) اپپاراتىن پايدالانا وتىرىپ جٷزەگە اسىرىلدى. ٸلە اۋداندىق ورتالىق اۋرۋحاناسىنا جٷكتٸ كەلٸنشەك COVID-19 دياگنوزىمەن, ٶكپەسٸنٸڭ 90 پايىزى زاقىمدانعان كٷيٸندە جەتكٸزٸلگەن بولاتىن. اتالعان اۋرحانا ديرەكتورى باۋىرجان ىسقاق ەربوزىمۇلى ناۋقاس ەكمو اپپاراتىنىڭ كٶمەگٸمەن امان قالعانىن ايتتى.
«9 تامىز كٷنٸ 27 جاستاعى جٷكتٸ ەيەل (38-39 اپتا) ٶتە اۋىر جاعدايدا تٷسكەن بولاتىن. اۋىر حەلدە تٷسكەن ەيەلگە دەرەۋ وتا جاسالىپ, بالا امان-ەسەن دٷنيەگە كەلدٸ. بٸراق ناۋقاستىڭ جاعدايى ناشارلاپ, قاندى وتتەگٸمەن قانىقتىراتىن ەكمو اپپاراتىنا قوسۋعا تۋرا كەلدٸ. ناۋقاس 31 كٷننەن كەيٸن ٶزدٸگٸنەن دەم الا باستادى», - دەدٸ باۋىرجان ىسقاق.
4 بالانىڭ اناسى بايانسۇلۋ امانگەلديەۆا جانساقتاۋ بٶلٸمٸندە مەديتسينا قىزمەتكەرلەرٸنٸڭ كٶمەگٸمەن قايتا اياققا تۇرىپ, ٶزدٸگٸنەن دەم الۋدى, قوزعالۋدى ٷيرەنگەنٸن ايتادى.
«مەن جانساقتاۋ بٶلٸمٸندە 47 كٷن جاتتىم. ەكٸ اي بويى بالالارىمدى كٶرۋ ارمان بولدى. كٶپشٸلٸك جينالعان جەردە ماسكا تاققان ەمەسپٸن. بۇل مەنٸڭ باستى قاتەلٸگٸم بولدى. ٶيتكەنٸ ماسكا تاققان كەزدە ٶزٸمدٸ جايسىز سەزٸنٸپ, اۋا جەتپەي تۇرعانداي سەزٸنەتٸنمٸن. الايدا بٸر جۇتىم اۋانى ٶزدٸگٸمنەن جۇتا الماي قينالعاندا قاتتى ٶكٸندٸم. قاتەلٸگٸمنٸڭ سالدارىنان وتباسىمدى, تۋعان-تۋىستارىمدى, مەنٸڭ ٶمٸرٸم ٷشٸن ەكٸ اي بويى كٷرەسكەن دەرٸگەرلەردٸ ەۋرەگە سالدىم. قازٸر امان-ەسەن جازىلىپ, وتباسىما ورالدىم. دەرٸگەرلەرگە العىسىم شەكسٸز», - دەدٸ بايانسۇلۋ امانگەلديەۆا.
ايتا كەتەيٸك, جۇقپالى دەرتكە شالدىققان تۇرعىن اۋرۋحانادا 58 كٷن جاتسا, سونىڭ 47 كٷنٸن جانساقتاۋ بٶلٸمشەسٸندە ٶتكٸزدٸ. ٸلە اۋدانىق اۋرۋحاناسىنا ودان ٶزگە COVID-19 دياگنوزىمەن, ٶكپەسٸ 80 پايىزعا دەيٸن قابىنعان بەس جٷكتٸ ەيەلدٸ دەرٸگەرلەر امان الىپ قالدى.
