الماتى وبلىسىندا Mercedes-Benz 200 كٶلٸگٸنٸڭ جٷرگٸزۋشٸسٸ 11 جاستاعى جاسٶسپٸرٸمدٸ قاعىپ كەتتٸ, - دەپ حابارلايدى Tengrinews.kz.
وقيعا كۋەگەرلەرٸ قاراساي اۋدانىنداعى اۋىلداردىڭ بٸرٸندە بولعان وقىس وقيعانىڭ ۆيدەوسىن جارييالادى. كۋەگەرلەردٸڭ ايتۋىنشا, بالانى مەكتەپكە بارار جولدا كٶلٸك قاعىپ كەتكەن. بۇعان دەيٸن بۇل جولدىڭ قاۋٸپتٸلٸگٸ تۋرالى اتا-انالار مەكتەپكە, ەكٸمدٸككە بٸرنەشە رەت شاعىمدانعان ەكەن.
الماتى وبلىسى پوليتسيياسىنىڭ باسپاسٶز قىزمەتٸ بۇل اقپاراتتى راستادى. 14 سەۋٸردە قاراساي اۋدانى بالاقتى اۋىلىندا Mercedes-Benz 200 كٶلٸگٸنٸڭ 27 جاستاعى جٷرگٸزۋشٸسٸ 11 جاستاعى جاياۋ جٷرگٸنشٸنٸ قاعىپ كەتكەن.
"جەتكٸنشەك بەلگٸلەنبەگەن جەردەن جولدىڭ جٷرۋ بٶلٸگٸن كەسٸپ ٶتپەك بولىپ, شەتەلدٸك كٶلٸك استىنا تٷسكەنٸ انىقتالدى. بالا جول-كٶلٸك وقيعاسى سالدارىنان جەڭٸل جاراقات الىپ, مەديتسينالىق تەكسەرۋدەن كەيٸن امبۋلاتورلىق ەم قابىلداۋعا جٸبەرٸلدٸ", - دەدٸ پوليتسييا ٶكٸلدەرٸ.
تەرتٸپ ساقشىلارى جول-كٶلٸك وقيعاسىنا قاتىستى قر ەقبتك-نٸڭ 610-بابى 2-بٶلٸگٸ "كٶلiك قۇرالدارى جٷرگiزۋشiلەرٸنiڭ جول جٷرٸسٸ قاعيدالارىن ادامداردىڭ دەنساۋلىعىنا زييان كەلتiرۋگە, كٶلiك قۇرالدارىنىڭ نەمەسە ٶزگە دە مٷلiكتiڭ بٷلٸنۋٸنە الىپ كەلگەن بۇزۋشىلىعى" بويىنشا حاتتاما تولتىرىلعانىن ايتتى.
جولدىڭ قاۋٸپتٸ بٶلٸگٸن پاترۋلدٸك پوليتسييا قىزمەتكەرلەرٸ باقىلاۋعا العان.
