الماتى وبلىسىندا كٶپقاباتتى ٷيدٸڭ تٶبەسٸ وپىرىلىپ ورتاسىنا تٷسٸپ, بٷتٸن بٸر وتباسى بٸر اجالدان امان قالدى. تەكەلٸ قالاسىنداعى ەكٸ قاباتتى بۇل ٷي ٷش جىل بۇرىن اپاتتى دەپ تانىلعان, دەپ حابارلايدى "ۇلت اقپارات".
«بٷگٸن ساعات 11:30 شاماسىندا ٷيدٸڭ تٶبەسٸ قۇلادى. بالام ٸشٸندە ۇيىقتاپ جاتقان. قۇلاعان داۋىسىنان ويانىپ, مەن جٷگٸرٸپ ٷيگە كٸرٸپ, ەكٸ كٸشكەنتاي بالامدى الىپ شىقتىم. قازٸر بٸر ٶلٸمنەن قالدىق. بٸر ٷيدە جەتٸ جانبىز», - دەيدٸ تەكەلٸ قالاسىنىڭ تۇرعىنى جٸگەرحان ادايحانۇلى.
قاڭىراعان ەكٸ قاباتتى ٷيدٸ پانا ەتكەن جالعىز وتباسى قازٸر ٷيٸندٸنٸڭ ورتاسىندا ٷرەيمەن ٶمٸر سٷرٸپ وتىر.
12 پەتەرلٸ بۇل ٷيدە ادايحانۇلىنىڭ جانۇياسى عانا تۇرىپ جاتىر. سەبەبٸ, بۇل وتباسىنىڭ باسقا بارار جەرٸ جوق.
ال تٶبەسٸ, ٸرگەسٸ شٸرٸپ, قۇلاعالى تۇرعان اپاتتى ٷيدەن جالعىز شاڭىراقتى ەكٸمدٸكتەگٸلەر باسقا جەرگە كٶشٸرۋگە كٶمەك كٶرسەتپەگەن.
جالپى تەكەلٸ قالاسىندا وسىنداي اپاتتى 19 ەكٸ قاباتتى ٷي بار. سۇرقىنىڭ ٶزٸ ادامدى شوشىتادى.
مۇرجاسىن تەرەزەدەن شىعارعان تۇرعىندار وسىندا امالداپ ٶمٸر سٷرٸپ جاتىر.
«وسى ٷيگە 2020 جىلى بيۋدجەتكە ۇسىنىس ەنگٸزٸلگەن. الايدا ەلٸ اقشا قاراجات بٶلٸنبەگەن. قازٸر وسى جارتىجىلدىقتا قايتادان اقشاعا سۇرانىس جٸبەرەمٸز», - دەيدٸ تەكەلٸ قالالىق تۇرعىن ٷي-كوممۋنالدىق شارۋاشىلىعى بٶلٸمٸنٸڭ باسشىسى ايان رىسبەكوۆ
