Almaty oblysynda kópqabatty úidiń tóbesi opyrylyp ortasyna túsip, bútin bir otbasy bir ajaldan aman qaldy. Tekeli qalasyndaǵy eki qabatty bul úi úsh jyl buryn apatty dep tanylǵan, dep habarlaidy "Ult aqparat".
«Búgin saǵat 11:30 shamasynda úidiń tóbesi qulady. Balam ishinde uiyqtap jatqan. Qulaǵan daýysynan oianyp, men júgirip úige kirip, eki kishkentai balamdy alyp shyqtym. Qazir bir ólimnen qaldyq. Bir úide jeti janbyz», - deidi Tekeli qalasynyń turǵyny Jigerhan Adaihanuly.
Qańyraǵan eki qabatty úidi pana etken jalǵyz otbasy qazir úiindiniń ortasynda úreimen ómir súrip otyr.
12 páterli bul úide Adaihanulynyń januiasy ǵana turyp jatyr. Sebebi, bul otbasynyń basqa barar jeri joq.
Al tóbesi, irgesi shirip, qulaǵaly turǵan apatty úiden jalǵyz shańyraqty ákimdiktegiler basqa jerge kóshirýge kómek kórsetpegen.
Jalpy Tekeli qalasynda osyndai apatty 19 eki qabatty úi bar. Surqynyń ózi adamdy shoshytady.
Murjasyn terezeden shyǵarǵan turǵyndar osynda amaldap ómir súrip jatyr.
«Osy úige 2020 jyly biýdjetke usynys engizilgen. Alaida áli aqsha qarajat bólinbegen. Qazir osy jartyjyldyqta qaitadan aqshaǵa suranys jiberemiz», - deidi Tekeli qalalyq turǵyn úi-kommýnaldyq sharýashylyǵy bóliminiń basshysy Aian Rysbekov
