فوتو: Zakon.kz
الماتى وبلىسىنىڭ ەڭبەكشٸقازاق اۋدانىندا تٷندە قۇتقارۋ وپەراتسيياسى جٷرگٸزٸلدٸ: تٶرت ادامنان تۇراتىن وتباسى ٷيگە قايتىپ كەلە جاتىپ بايلانىسقا شىقپاي قالعان, دەپ حابارلايدى Ult.kz Zakon.kz-كە سٸلتەمە جاساپ.
تجم مەلٸمەتٸنشە, ەكٸ ەرەسەك پەن ەكٸ بالا شونجى ماڭىنداعى دەمالىس ايماعىنان الماتىعا قاراي كٶلٸكپەن شىققان, الايدا ٷيٸنە جەتپەگەن. ولاردى ٸزدەۋگە الماتى وبلىسىنىڭ قۇتقارۋشىلارى مەن "بارىس" جاساعىنىڭ قىزمەتكەرلەرٸ جۇمىلدىرىلدى.
ٸزدەستٸرۋ جۇمىستارى قيىنداعان, سەبەبٸ وتباسى باسشىسىنىڭ تەلەفونى ٶشٸرۋلٸ بولعان, ال تاۋلى ايماقتا قار جاعدايى كٷردەلٸ بولعان. جوعالعاندار تاڭعى ساعات 5:00 شاماسىندا اسى ٷستٸرتٸ ماڭىنان, بارتوعاي سۋ قويماسىنا جاقىن جەردەن تابىلدى. ولاردىڭ جول تالعامايتىن كٶلٸگٸ قارعا باتىپ قالعان.
ەشكٸمگە مەديتسينالىق كٶمەك قاجەت بولماعان. قۇتقارۋشىلار كٶلٸكتٸ تازارتىلعان جول بٶلٸگٸنە دەيٸن سٷيرەپ شىعاردى.
تجم ٶكٸلدەرٸ تاۋلى ايماققا ساپار الدىندا اۋا رايى مەن جول جاعدايىن الدىن الا ەسكەرٸپ, باعىتتىڭ قاۋٸپسٸزدٸگٸن تەكسەرۋ قاجەت ەكەنٸن ەسكە سالدى.
