Foto: Zakon.kz
Almaty oblysynyń Eńbekshiqazaq aýdanynda túnde qutqarý operatsiiasy júrgizildi: tórt adamnan turatyn otbasy úige qaityp kele jatyp bailanysqa shyqpai qalǵan, dep habarlaidy Ult.kz Zakon.kz-ke silteme jasap.
TJM málimetinshe, eki eresek pen eki bala Shonjy mańyndaǵy demalys aimaǵynan Almatyǵa qarai kólikpen shyqqan, alaida úiine jetpegen. Olardy izdeýge Almaty oblysynyń qutqarýshylary men "Barys" jasaǵynyń qyzmetkerleri jumyldyryldy.
Izdestirý jumystary qiyndaǵan, sebebi otbasy basshysynyń telefony óshirýli bolǵan, al taýly aimaqta qar jaǵdaiy kúrdeli bolǵan. Joǵalǵandar tańǵy saǵat 5:00 shamasynda Asy ústirti mańynan, Bartoǵai sý qoimasyna jaqyn jerden tabyldy. Olardyń jol talǵamaityn kóligi qarǵa batyp qalǵan.
Eshkimge meditsinalyq kómek qajet bolmaǵan. Qutqarýshylar kólikti tazartylǵan jol bóligine deiin súirep shyǵardy.
TJM ókilderi taýly aimaqqa sapar aldynda aýa raiy men jol jaǵdaiyn aldyn ala eskerip, baǵyttyń qaýipsizdigin tekserý qajet ekenin eske saldy.
