الماتى وبلىسىندا كەمەلەتكە تولماعاندار ساۋداسىمەن اينالىسقان ەيەل سوتتالدى. مۇنداي فاكتٸنٸ الماتى وبلىسى پروكۋراتۋراسىنىڭ قىزمەتكەرلەرٸ انىقتاعان, دەپ حابارلايدى "ۇلت اقپارات".
كەمەلەتكە تولماعاندار ٸسٸ بويىنشا الماتى وبلىسىنىڭ №2 اۋدانارالىق مامانداندىرىلعان سوتىنىڭ ٷكٸمٸمەن ك.ب. ەسٸمدٸ ازامات قر قك 135 بابى, 2 بٶلٸگٸ, 2,12 تارماعى كەمەلەتكە تولماعانداردى ساۋداعا سالعانى ٷشٸن 5 جىلعا باس بوستاندىعىنان ايرىلدى. الايدا جازا ٶتەۋ مەرزٸمٸ سوتتالۋشىنىڭ ٶز بالالارى 14 جاسقا تولعانعا دەيٸن شەگەرٸلدٸ. سوت ٷكٸمٸ زاڭدى كٷشٸنە ەندٸ.
بۇل ٷكٸمدٸ شىعارۋعا تالعار اۋداندىق پروكۋراتۋراسىنىڭ كەمەلەتكە تولماعاندارعا زاڭسىز قامقورشىلىق رەسٸمدەۋ دەرەگٸن انىقتاۋ سەبەپ بولعان. قازٸرگٸ تاڭدا ازاماتشا ٶز كٸنەسٸن مويىنداپ, پروتسەسسۋالدىق كەلٸسٸم جاسادى. بۇل باعىتتا جۇمىستار جالعاسىپ جاتىر.
