الماتى وبلىسىنىڭ 6 سپورتشىسى بيىل جازدا جاپونييا استاناسى توكيودا ٶتەتٸن وليمپيادا ويىندارىندا ەل نامىسىن قورعايدى. 4 سپورتشى ساداق اتۋدان جولداما جەڭٸپ السا, بٸر سپورتشى گرەك-ريم كٷرەسٸنەن جەنە بٸر سپورتشى جەڭٸل اتلەتيكا بويىنشا ٶنەر كٶرسەتەدٸ, دەپ حابارلايدى "ۇلت اقپارات".
الداعى توكيو وليمپياداسىنا وبلىس سپورتشىلارى 6 ليتسەنزييا ۇتىپ الدى. ولار – ساداق اتۋدان سانجار مۇساەۆ, دەنيس گانكين, يلفات ابدۋللين, جەڭٸل اتلەتيكادان ايمان راتوۆا, گرەك-ريم كٷرەسٸنەن اسحات دٸلمۇحامەدوۆ. سونىمەن قاتار ساداق اتۋ بويىنشا بٸر كوماندالىق جولداما وبلىس قورجىنىندا.
كەشە تالدىقورعاندا الماتى وبلىسىنىڭ سپورت سالاسىنداعى ٶتكەن جىلعى جەتٸستٸكتەرٸ قورىتىندىلانىپ, ٷزدٸكتەر ماراپاتتالدى.
ٶڭٸر باسشىسى ماراپاتتاعاندار قاتارىندا جەڭٸل اتلەت ايمان راتوۆا دا بار. سپورتتىق جٷرۋدەن ەل نامىسىن قورعايتىن اتلەت 2012 جىلعى لوندون وليمپياداسىنان كەيٸن تۇرمىسقا شىعىپ, بەس جىل ٷلكەن سپورتتان قول ٷزٸپ قالعان. ەكٸ بالانىڭ اناسى سپورتقا قايتا ورالعانىنا قۋانىشتى ەكەنٸن جاسىرمايدى. ول جۋىردا تٷركييانىڭ انتالييا قالاسىندا ٶتكەن حالىقارالىق جارىستا جٷلدەلٸ ٷشٸنشٸ ورىندى يەلەنٸپ, وليمپيادا ليتسەنزيياسىن جەڭٸپ الدى.
«ەڭ الدىمەن قازاق ەلٸنٸڭ ٷمٸتٸن اقتاۋعا تىرىسامىن. ول ٷشٸن كٶپ ەڭبەك ەتتٸك. كٶپ تەر تٶكتٸك. ەلٸ دە ەڭبەك ەتۋ كەرەك. ماقساتىما جەتەمٸن دەگەن ٷمٸتتەمٸن», - دەيدٸ سپورتشى.
ايتا كەتەيٸك, ٶتكەن جىلى جەتٸسۋلىق سپورتشىلار 2537 مەدال جەڭٸپ العان, سونىڭ 906-سى – التىن, 709-ى – كٷمٸس, 922-سٸ قولا بولدى.
جىل سايىن جەرگٸلٸكتٸ بيۋدجەتتەن 108 ٷزدٸك سپورتشىعا اي سايىنعى ستيپەندييا تٶلەنٸپ وتىرادى. سونىڭ ٸشٸندە 28 سپورتشى – مٷمكٸندٸگٸ شەكتەۋلٸ جاندار.
