بٷگٸن تاتارستان رەسپۋبليكاسىنىڭ پرەزيدەنتٸ رۋستام ميننيحانوۆ جۇمىس ساپارىمەن الماتى وبلىسىنا كەلٸپ, وبلىس ەكٸمٸ اماندىق باتالوۆپەن رەسمي كەزدەسۋ ٶتكٸزدٸ, - دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
وبلىس ەكٸمدٸگٸنٸڭ فويەسٸندە وبلىس ەكونوميكاسىنىڭ باسىم باعىتتارى مەن تالدىقورعان قالاسىن دامىتۋدىڭ باس جوسپارى كٶرسەتٸلگەن ستەندتەر ورناتىلدى. رەسمي دەلەگاتسيياعا وبلىس اۋماعىندا جٷزەگە اسىرىلىپ جاتقان اگرو-ٶنەركەسٸپتٸك كەشەندٸ دامىتۋ, يندۋستريالاندىرۋ, ينۆەستيتسييا تارتۋدىڭ نەگٸزگٸ كٶرسەتكٸشتەرٸ جەنە ٶڭٸردٸ دامىتۋ باعدارلاماسىنىڭ ورىندالۋ بارىسى تانىستىرىلدى.
كەزدەسۋدٸ وبلىس ەكٸمٸ اماندىق باتالوۆ اشتى. رەسمي دەلەگاتسييانى تانىستىرعاننان كەيٸن, ٶڭٸر باسشىسى الماتى وبلىسىنا كەلۋ تۋرالى ۇسىنىسىن قابىل العانى ٷشٸن تاتارستان رەسپۋبليكاسىنىڭ پرەزيدەنتٸ رۋستام ميننيحانوۆقا العىسىن بٸلدٸردٸ.
- بٸزبەن ىنتىماقتاستىق قۇرۋ تۋرالى بٸلدٸرگەن نيەتٸمٸزدٸ قابىل العاندارىڭىز بٸزدٸ قاتتى قۋانتادى. بٸز سٸزدەردەن ٶنەركەسٸپتٸ دامىتۋ, جاڭا تەحنولوگييالاردى ەنگٸزۋ تۇرعىسىنداعى تەجٸريبەلەرٸڭٸزدٸ ٶزٸمٸزدە قولدانعىمىز كەلەدٸ. قانت قىزىلشاسىن ٶسٸرۋدٸ جاڭعىرتۋ - جەتٸسۋ ٶلكەسٸ ٷشٸن باسىم باعىتتاردىڭ بٸرٸ بولعاندىقتان, وسى باعىتتا بٸز جۇمىلا جۇمىس جٷرگٸزۋدەمٸز. سول سەبەپتٸ سٸزدەردٸڭ وسى باعىتتاعى تەجٸريبەلەرٸڭٸز بەن تەحنولوگييالارىڭىز بٸزدٸ قىزىقتىراتىندىعى انىق. سونداي-اق, مەملەكەت باسشىسى نۇرسۇلتان ەبٸشۇلى نازارباەۆتىڭ تاپسىرماسى بويىنشا قۇرىلعان «قورعاس – شىعىس قاقپاسى» ارنايى ەكونوميكالىق ايماعى (اەا) مەن «قورعاس» شەكارا ماڭى ىنتىماقتاستىعىنىڭ حالىقارالىق ورتالىعى (شىحو) ارقىلى «قۇرعاق پورت» ترانسۇلتتىق جوباسىنىڭ مٷمكٸنشٸلٸكتەرٸنە نەگٸزدەلٸپ, تاتارستان مەن الماتى وبلىسىنىڭ كەسٸپكەرلەرٸ اراسىندا ەرٸپتەستٸكتٸڭ تىعىز بايلانىسىن ورناتقىمىز كەلەدٸ. تاعى بٸر اتاپ ٶتۋگە تۇرارلىق مەسەلە – بٸزدٸڭ ٶڭٸرٸمٸزدە بارلىق قاجەتتٸ ينفراقۇرىلىمى جٷرگٸزٸلگەن يندۋستريالدى ايماقتار بار. بۇل دا بيزنەستٸ دامىتۋ مەن ينۆەستيتسييا تارتۋعا سەپتٸگٸن تيگٸزەر يگٸ ٸسٸمٸز, - دەدٸ ا. باتالوۆ.
وسىدان كەيٸن سٶز العان تاتارستان رەسپۋبليكاسىنىڭ پرەزيدەنتٸ رۋستام ميننيحانوۆ شاقىرۋ ۇسىنعانى ٷشٸن ٶڭٸر باسشىسى اماندىق عابباسۇلىنا العىسىن بٸلدٸرٸپ, ەكٸ جاقتى تيٸمدٸ ەرٸپتەستٸك قۇرۋ مەسەلەلەرٸنە توقتالدى.
- بٸز «قورعاس» شىحو مەن «قورعاس – شىعىس قاقپاسى» اەا نىساندارىنىڭ مٷمكٸندٸكتەرٸمەن تانىسۋعا ٷلكەن قىزىعۋشىلىق تانىتۋدامىز. بٸز ٷشٸن ەركٸن ەكونوميكالىق ايماقتىڭ جۇمىسىمەن تانىسۋ, قانداي باعىتتار بويىنشا بٸرلەسٸپ جۇمىستار جٷرگٸزۋگە بولاتىندىعىن انىقتاۋ, وتاندىق ٶنٸمدەرٸمٸزدٸ قازاقستان اۋماعى ارقىلى ٶزگە مەملەكەتتەرگە ٶتكٸزۋ مٷمكٸندٸكتەرٸن قاراستىرۋ ماڭىزدى بولىپ تۇر. الماتى وبلىسىندا مەملەكەتتٸك – جەكەمەنشٸك ەرٸپتەستٸك نەگٸزٸندە كٶپتەگەن بالاباقشالاردىڭ اشىلىپ جاتقاندىعىن ەرەكشە اتاپ ٶتكٸم كەلەدٸ. بۇل تەجٸريبەلەرٸڭٸز بٸزدەردٸ قىزىقتىردى. ودان بٶلەك, جەتٸسۋ ٶڭٸرٸ مايبۇرشاق پەن جٷگەرٸ ٶندٸرۋ بويىنشا الدىڭعى قاتاردا ەكەندٸگٸن ەسكەرسەك, بٸز ٷشٸن وسى ٶنٸمدەردٸ ٶسٸرۋدەگٸ سٸزدەردٸڭ تەجٸريبەلەرٸڭٸز قاجەت. جالپى تاتارستان مەن الماتى وبلىسى اراسىندا اۋىلشارۋاشىلىعى باعىتىندا جولدارى قيىلىسار تۇستاردىڭ ٶتە كٶپ ەكەندٸگٸن جەنە ونى قوس تاراپقا دا تيٸمدٸ پايدالانۋعا بولاتىندىعىن بايقادىم. جەتٸسۋدىڭ ەسەم تابيعاتىن ايتپاي كەتپەسكە بولماس. سٸزدەردٸڭ تابيعي-كليماتتىق جاعدايلارىڭىز بەسەكەلەستەرٸڭٸزدٸڭ الدىندا سٸزدەرگە باسىمدىق بەرەتٸنٸ سٶزسٸز, - دەپ اتاپ ٶتتٸ رۋستام ميننيحانوۆ.
ٶزارا تيٸمدٸ ىنتىماقتاستىق مٷمكٸندٸكتەرٸن تالقىلاعاننان كەيٸن, قوس تاراپ كەزدەسۋدٸ تٸل سارايىندا جالعاستىردى. وندا تاتارستان پرەزيدەنتٸ الماتى وبلىسىنىڭ تاتار ەتنومەدەني ورتالىعىنىڭ ٶكٸلدەرٸمەن كەزدەستٸ. كەزدەسۋدٸڭ ەرەكشە سەتٸ دەپ تاتارستان پرەزيدەنتٸنٸڭ وبلىس ەكٸمٸ اماندىق باتالوۆقا ەرٸپ تەڭٸربەرگەننٸڭ «بٸرجان سال مەن اقىن سارا ايتىسى» اتتى قولجازباسىنىڭ كٶشٸرمەسٸن تابىستاۋىن اتاپ ٶتۋگە بولادى. وسىلايشا قازاقستاندىق تاتار قاۋىمداستىعىنىڭ ەرتەرەكتە ايتىلعان اماناتى ورىندالدى.
كەزدەسۋ سوڭىندا رەسمي دەلەگاتسييا پانفيلوۆ اۋدانىنا جول تارتىپ, وندا «قورعاس – شىعىس قاقپاسى» ارنايى ەكونوميكالىق ايماعى (اەا) مەن «قورعاس» شەكارا ماڭى ىنتىماقتاستىعىنىڭ حالىقارالىق ورتالىعى (شىحو) نىساندارىن كٶرٸپ قايتتى.
