تالدىقورعاندا پولشا ەلٸنٸڭ ليۋبلين ۆوەۆوداسىن (بٸزشە ايتقاندا وبلىس – ق.ق.) باسقاراتىن مارشالى سلاۆومير سوسنوۆكي مەن الماتى وبلىسى ەكٸمٸ اماندىق باتالوۆ ايماقارالىق مەموراندۋمعا قول قويىپ, ەرٸپتەستٸكتٸ نىعايتۋعا كەلٸستٸ.
وبلىستىق ەكٸمدٸكتە ٶتكەن ەكٸجاقتى كەلٸسٸم كەزٸندە ٶڭٸر باسشىسى شەتەلدٸك قوناقتارعا الماتى وبلىسىنىڭ جەتكەن جەتٸستٸگٸ مەن باعىندىرعان بەلەسٸن قىسقاشا تانىستىرىپ ٶتتٸ. ەۋەلٸ تابيعاتى كٶركەم جەرۇيىق توپىراعىندا قازبا بايلىقتىڭ مول ەكەنٸنە توقتالعان اماندىق عابباسۇلى بۇدان سوڭ جەتٸسۋدىڭ ينۆەستيتسييالىق كليماتى ىڭعايلى ٶڭٸر ەكەنٸن جەتكٸزدٸ.
– وبلىستا نەگٸزٸنەن اۋىلشارۋاشىلىق ٶنٸمدەرٸ ٶندٸرٸلەدٸ. سوعان وراي ٶڭٸرٸمٸز رەسپۋبليكادا سويا, جٷگەرٸ, كٶكٶنٸس, كارتوپ, ەت, جۇمىرتقا جەنە بييازى جٷن ٶندٸرۋدەن الدىڭعى ورىننان كٶرٸنسە, جٷزٸم مەن سٷت ٶندٸرٸسٸنەن ەكٸنشٸ ورىندى يەلەنەدٸ. وبلىس كٶلەمٸندە «فۋد ماستەر», «دانون بەركۋت», «كوكا كولا بوتلەرس», «فيليپ مورريس», «لدجي برەندس» سىندى ەلەمگە ەيگٸلٸ كەسٸپورىندار جۇمىس ٸستەيدٸ, – دەدٸ ول.
سونداي-اق, ايماق باسشىسى وبلىس اۋماعى ارقىلى «باتىس ەۋروپا – باتىس قىتاي» اۆتوماگيسترالٸ ٶتٸپ, حالىقارالىق «قورعاس – شىعىس قاقپاسى» ارنايى ەكونوميكالىق نٷكتەسٸ جۇمىس ٸستەيتٸنٸن تٸلگە تيەك ەتتٸ. ونىڭ ايتۋىنشا, جەتٸسۋ اۋماعىندا تاۋلار مەن جازىق دالانىڭ مولىنان كەزدەسۋٸ تابيعي مٷمكٸندٸكتٸڭ مولدىعىن كٶرسەتەدٸ. بۇل ٶز كەزەگٸندە جەل قۋاتىنان, كٷن قىزۋىنان بالامالى قۋات كٶزدەرٸن ٶندٸرۋگە جول اشادى. قازٸر دە اتالعان باعىتتا كٶپتەگەن جۇمىستار اتقارىلىپ جاتىر. وسىنىڭ ٶزٸ الماتى وبلىسىنىڭ ەلەۋمەتتٸك-ەكونوميكالىق دامۋىنىڭ باستى كٶرسەتكٸشتەرٸنٸڭ بٸرٸ.
بۇل رەتتە, پولشا ٶكٸلٸ سلاۆومير سوسنوۆكي وبلىس باسشىلىعىنىڭ قوناقجاي پەيٸلٸ مەن شىنايى ىقىلاسىنا ريزاشىلىعىن جەتكٸزٸپ, اگروٶندٸرٸسٸ كەڭٸنەن دامىعان الماتى وبلىسىنا پولشادا شىعاتىن تراكتورلاردى, سوڭعى ٷلگٸدەگٸ تەحنولوگييالاردى جەنە داقىلداردىڭ جاڭا, ٶنٸمدٸ سورتتارىنىڭ تۇقىمىن الۋدى ۇسىندى. وسىعان وراي ەكٸ جاق ايماقارالىق مەموراندۋمعا قول قويىپ, كەلٸسٸم قۇجاتتارىمەن الماستى.
وبلىس ەكٸمٸ جەتٸسۋ جەرٸنٸڭ كارتاسى بەينەلەنگەن كارتينانى تابىستاي وتىرىپ, ٶنەر تۋىندىسىندا كەسكٸندەلگەن حانتەڭٸرٸ شىڭى, الاكٶل مەن بالقاش كٶلدەرٸ, التىن ادام تۋرالى ماعلۇمات بەردٸ.
