الماتى وبلىستىق قىلمىستىق اتقارۋ جٷيەسٸ پروباتسييالىق باقىلاۋدا جٷرگەن جانبولات مامايدىڭ كەزدەيسوق تەكسەرٸلگەنٸن, ونى تٷرمەگە قامامايتىنىن حابارلادى. بۇل اقپاراتتى الماتى وبلىسى قاراساي اۋدانىنىڭ پوليتسييا باسقارماسىنىڭ الدىندا بەلسەندٸ, جۋرناليست جانبولات مامايدىڭ ٶزٸ تاراتىپ, ادۆوكاتى جانار بالعاباەۆا راستادى.
اقپاراتقا قاراعاندا, قاراساي اۋداندىق پوليتسييا باسقارماسىندا الماتى وبلىستىق قىلمىستىق اتقارۋ جٷيەسٸ باسشىلارىنىڭ بٸرٸ جانبولات مامايمەن كەزدەسٸپ, ەشقانداي ايىپ تاعىلمايتىنىن ايتقان.
بٷگٸن تاڭەرتەڭ جانبولات ماماي الماتى وبلىستىق قىلمىستىق اتقارۋ جٷيەسٸ قىزمەتكەرلەرٸنٸڭ شاقىرۋ قاعازىمەن قاراساي اۋدانى پوليتسييا باسقارماسىنا بارعان. وعان بٸر توپ بەلسەندٸ قولداۋ كٶرسەتكەن.
جانبولات مامايدى قولداۋعا بارعان ساياساتكەر تٶلەگەن جٷكەەۆتٸڭ ايتۋىنشا, "جانبولاتتى سەنبٸ, جەكسەنبٸدە زاڭسىز تەكسەرٸپ, پوليتسيياعا شاقىرتۋىنىڭ ساياسي استارى بار". بٸراق ساياسي داۋعا اينالدىرعىسى كەلمەگەندٸكتەن ايىپ تاعۋدان تارتىنعانعا ۇقسايدى.
- حالىقتىڭ قازٸرگٸ كٶڭٸل كٷيٸن بايقاپ, ساياسي داۋعا ۇلاسىپ كەتپەسٸن دەگەن جوعارعى جاقتىڭ ساياسي شەشٸمٸ بولۋى كەرەك. ەيتپەسە پوليتسييا قىزمەتكەرلەرٸ جانبولاتتى كەزدەيسوق ەمەس, ارنايى ٸزدەپ باردى, - دەيدٸ ساياساتكەر رىسبەك سەرسەنباي.
جانبولات ماماي 9 قاراشادا, سەنبٸ كٷنٸ قاراساي اۋداندىق پروباتسييا قىزمەتٸنٸڭ ٷش ٶكٸلٸ كەلٸپ, شاقىرۋ قاعازىن تابىستاعانىن حابارلاعان ەدٸ. بۇل تۋرالى فەيسبۋك ەلەۋمەتتٸك جەلٸسٸندەگٸ پاراقشاسى ارقىلى تٸكەلەي ەفيردە ايتقان جانبولات ماماي "سەنبٸ, جەكسەنبٸ كٷندەرٸ پروباتسييا قىزمەتكەرلەرٸنٸڭ تەكسەرۋٸ زاڭسىز ەكەنٸن, بۇل ەرەكەتتٸ ٶزٸنە جاسالعان ساياسي قىسىم دەپ باعالايتىنىن" مەلٸمدەپ, اقپارات قۇرالدارى مەن بەلسەندٸلەردٸ قولداۋعا شاقىرعان.
- پروباتسييا قىزمەتٸندە 2017 جىلدىڭ 29 قىركٷيەگٸنەن باستاپ باقىلاۋدامىن. وسى ۋاقىتقا دەيٸن بٸردە بٸر رەت كٷندٸز تەكسەرگەن ەمەس. زاڭ بويىنشا, ساعات وننان كەيٸن تەكسەرەدٸ. سەنبٸ كٷنٸ, رۇقسات ەتٸلمەگەن ميتينگٸنٸ كٶرۋگە كەتكەنٸمدە تەكسەرگەنٸ, رۇقساتسىز كەتتٸ دەپ ايىپتاعاسى كەلەتٸنٸ ساياسي قىسىم دەپ بٸلەمٸن. ەلٸ دە بٸرنەشە اي پروباتسييا باقىلاۋىندا بولۋىم كەرەك. كٶكتەمدە "پوليتون" كلۋبىن جٷرگٸزدٸ دەپ ەسكەرتۋ بەردٸ. ەندٸ تاعى بٸر ەسكەرتۋ بەرسە, قايتادان تٷرمەگە قامالۋىم مٷمكٸن, - دەگەن بولاتىن.
سول كٷنٸ جانبولات مامايدىڭ ەيەلٸ, قۇقىق قورعاۋشى ينگا يمانباي ەلەۋمەتتٸك جەلٸدە جارييالاعان ۆيدەودا "پوليتسييانىڭ ٷش قىزمەتكەرٸ سەنبٸ كٷنٸ تٷستە جانبولات مامايدى ٸزدەپ كەلٸپ, حاتتاما تولتىرعانىن" كٶرسەتكەن. ۆيدەودا پوليتسييا قىزمەتكەرلەرٸنٸڭ "جانبولات ماماي كٷندٸز دە پروباتسييا قىزمەتٸنەن سۇرانۋى تيٸس" دەگەنٸ ەستٸلەدٸ.
جانبولات ماماي تاياۋدا "قازاقستاننىڭ دەموكراتييالىق پارتيياسىن" قۇرۋ تۋرالى باستاما كٶتەرگەن. وسى ماقساتتا قازاقستاننىڭ وبلىستارىن ارالاۋعا پوليتسييانىڭ پروباتسييا قىزمەتٸ رۇقسات بەرمەي وتىرعانىن حابارلاعان.
