الماتى قالاسىنىڭ باس يمامى وسپان تٶلەبي ونلاين بريفينگ بارىسىندا كارانتين كەزٸندە قۇربان ايت مەرەكەسٸن اتاپ ٶتۋ شارالارىن تٷسٸندٸردٸ, دەپ حابارلايدى "ۇلت اقپارات".
ونىڭ ايتۋىنشا, الماتىداعى ەپيدەمييالوگييالىق جاعدايدىڭ كٷرت ناشارلاۋىنا بايلانىستى قۇربان ايت نامازى قالا مەشٸتتەرٸندە وقىلمايدى. ايت نامازىنىڭ ورنىنا ەركٸم ٶز ٷيٸندە 2 رەكات ناماز وقۋى ۇسىنىلادى.
سونداي-اق قۇربان ايت كٷندەرٸ ەلدٸڭ بازاردان مال تاڭداپ الىپ, ونى ٶز قولىمەن سويۋىنا جەنە كٶپشٸلٸك ٸس-شارالاردى ٶتكٸزۋٸنە تىيىم سالىنادى.
«بۇل جاۋاپتى دا, ساۋاپتى امالدى مۋفتيياتقا قاراستى مەشٸتتەر شاريعاتتاعى ٶكٸل قۇرباندىعى, ياعني بٸرەۋدٸڭ ورنىنا باسقا ادام ٶكٸل بولىپ, قۇربان شالۋ قاعيداسىنا سٷيەنە وتىرىپ قاشىقتان قۇربان شالۋدى ۇيىمداستىرادى. بىلتىرعى تەجٸريبەگە سٷيەنە وتىرىپ, باس مۋفتي باستاماسىمەن كارانتين تالاپتارىن ەسكەرە وتىرىپ, حالىقتىڭ دەنساۋلىعىن ساقتاۋ ماقساتىندا قۇربان شالۋ شاراسىن ٶتكٸزۋ ٷشٸن قۇربان-2021 اتتى ونلاين قايىرىمدىلىق اكتسيياسى قولعا الىندى. ول ٷشٸن ارنايى Kurban2021.kz سايتى قايتا ٸسكە قوسىلدى», - دەدٸ قالانىڭ باس يمامى.
الماتى ٶكٸلدٸگٸ بويىنشا قاشىقتان قۇربان شالۋ ٸسٸن ٷيلەستٸرەتٸن ارنايى جۇمىس توبى قۇرىلعان.
ولار تاپسىرىس الۋدان باستاپ, مال سويۋ, ۆيدەو ەسەپ جولداۋ, ەتتٸ مۇقتاج جاندارعا تاراتۋ سىندى جۇمىستاردى جٷرگٸزەدٸ.
«سايت ارقىلى قۇرباندىققا تاپسىرىس بەرۋ 15 شٸلدەدەن باستاپ 22 شٸلدە ساعات 14.00-گە دەيٸن جالعاسادى. پاندەميياعا بايلانىستى قاشىقتان قۇربان شالۋعا تاپسىرىس بەرۋشٸلەرگە قۇربان ەتٸ بەرٸلمەيدٸ, ول تٷگەلدەي مۇقتاج جاندارعا تابىستالادى», - الماتىنىڭ باس يمامى.
