Almaty qalasynyń bas imamy Ospan Tólebi onlain brifing barysynda karantin kezinde Qurban ait merekesin atap ótý sharalaryn túsindirdi, dep habarlaidy "Ult aqparat".
Onyń aitýynsha, Almatydaǵy epidemiialogiialyq jaǵdaidyń kúrt nasharlaýyna bailanysty Qurban Ait namazy qala meshitterinde oqylmaidy. Ait namazynyń ornyna árkim óz úiinde 2 rákat namaz oqýy usynylady.
Sondai-aq Qurban ait kúnderi eldiń bazardan mal tańdap alyp, ony óz qolymen soiýyna jáne kópshilik is-sharalardy ótkizýine tyiym salynady.
«Bul jaýapty da, saýapty amaldy Mýftiiatqa qarasty meshitter Shariǵattaǵy ókil qurbandyǵy, iaǵni bireýdiń ornyna basqa adam ókil bolyp, qurban shalý qaǵidasyna súiene otyryp qashyqtan qurban shalýdy uiymdastyrady. Byltyrǵy tájiribege súiene otyryp, Bas mýfti bastamasymen karantin talaptaryn eskere otyryp, halyqtyń densaýlyǵyn saqtaý maqsatynda qurban shalý sharasyn ótkizý úshin Qurban-2021 atty onlain qaiyrymdylyq aktsiiasy qolǵa alyndy. Ol úshin arnaiy Kurban2021.kz saity qaita iske qosyldy», - dedi qalanyń bas imamy.
Almaty ókildigi boiynsha qashyqtan qurban shalý isin úilestiretin arnaiy jumys toby qurylǵan.
Olar tapsyrys alýdan bastap, mal soiý, video esep joldaý, etti muqtaj jandarǵa taratý syndy jumystardy júrgizedi.
«Sait arqyly qurbandyqqa tapsyrys berý 15 shildeden bastap 22 shilde saǵat 14.00-ge deiin jalǵasady. Pandemiiaǵa bailanysty qashyqtan qurban shalýǵa tapsyrys berýshilerge qurban eti berilmeidi, ol túgeldei muqtaj jandarǵa tabystalady», - Almatynyń bas imamy.
