الماتى مەنشٸگٸنە 383,5 گەكتار جەر قايتارىلدى. بۇل تۋرالى قالا ەكٸمٸ باقىتجان ساعىنتاەۆ مەگاپوليس تۇرعىندارىمەن ەسەپ بەرۋ كەزدەسۋٸ كەزٸندە مەلٸمدەدٸ, دەپ حابارلايدى قازاقپارات.
«مەن تاعايىندالعان كەزدەن باستاپ, مەگاپوليستە جولدار, مەكتەپتەر, اۋرۋحانالار, بالاباقشالار, ەمحانالار, ساياباقتار, الاڭدار, قوعامدىق دەمالىس ورىندارىن سالۋ ٷشٸن بوس جەر جەتٸسپەيدٸ دەگەن پروبلەماعا تاپ بولدىم. سوندىقتان مەن ورتالىققا پروبلەمالىق نەسيەلەر قورىنا كەپٸلگە بەرٸلگەن جەردٸ قالاعا بەرۋ تۋرالى مەسەلەنٸ قويدىم», - دەپ تٷسٸندٸردٸ قالا ەكٸمٸ ب.ساعىنتاەۆ.
سونىمەن, 2019 جىلدىڭ 28 جەلتوقسانىندا قر ٷكٸمەتٸ «پروبلەمالىق نەسيە قورى» اق مەن «Kazkom Reality» جشس جەرلەرٸن الماتى قالاسىنىڭ كوممۋنالدىق مەنشٸگٸنە بەرۋ تۋرالى شەشٸم قابىلدادى. بەرٸلگەن جەردٸڭ جالپى كٶلەمٸ 383,5 گا قۇرادى.
«بۇل جەر ۋچاسكەلەرٸ قالا ٷشٸن ماڭىزدى ەلەۋمەتتٸك جوبالاردى جٷزەگە اسىرۋ ٷشٸن پايدالانىلادى», - دەپ اتاپ ٶتتٸ ب. ساعىنتاەۆ.
دەمالىس ورىندارى مەن ساياباقتارعا 166,34 گەكتار جەر بٶلٸندٸ, ونىڭ 116,74 گەكتارى ٸلە الاتاۋىنىڭ بٶكتەرٸنە تٷسەدٸ.
الماتى شەتٸندەگٸ اۋدانداردى ورتالىقتاندىرۋ ٷشٸن ەلەۋمەتتٸك نىساندار بوي كٶتەرەدٸ. اتاپ ايتقاندا 7 بالاباقشا, 4 مەكتەپ, وقۋشىلار سارايى, ەمحانا, مەترو, اۆتوۆوكزال. وعان 87,44 گا جەر قاراستىرىلدى.
جالپى, 2019 جىلدىڭ قورىتىندىسىنا سەيكەس, جەر مەسەلەسٸ بويىنشا 6693 وڭ شەشٸم قابىلداندى, بۇل 2018 جىلمەن سالىستىرعاندا 2 ەسە كٶپ. سەيفۋللين مەن جانسٷگٸروۆ قيىلىسىنداعى جولايىرىقتىڭ قۇرىلىسىن جالعاستىرۋ ٷشٸن 117 ٷيگە ٶتەماقى تٶلەندٸ.
