الماتىدا ەپيدەميولوگييالىق جاعداي كٷردەلەنە تٷسسە, مەكتەپتەر ونلاين بٸلٸم بەرۋ جٷيەسٸنە كٶشٸرٸلۋ مٷمكٸن. بۇل تۋرالى جانداربەك بەكشين ايتتى, دەپ حابارلايدى "ۇلت اقپارات".
«ەگەر سىنىپتا كوروناۆيرۋس جۇقتىرعان وقۋشى انىقتالاتىن بولسا, وندا وقۋشىلار ونلاين رەجيمگە اۋىستىرىلادى. ەگەر وقۋشىلار مەن مۇعالٸمدەردٸڭ 20 پايىزى ۆيرۋس جۇقتىرسا كارانتين ەمەس, مەكتەپ تولىعىمەن جابىلادى. وقۋشىلاردىڭ جارتىسى وقىپ, جارتىسى وقىماسا, كارانتين بولادى», - دەپ تٷسٸندٸردٸ جانداربەك بەكشين.
سونىمەن قاتار, ول سوزىلمالى اۋرۋى بار وقۋشىلار قالاي وقيتىنىن تٸلگە تيەك ەتتٸ.
«اتا-انالاردان ٶتٸنٸشتەر كەلٸپ تٷسٸپ جاتىر. ولار سوزىلمالى اۋرۋمەن اۋىراتىن بالالارىن ونلاين بٸلٸم بەرۋگە اۋىستىرۋدى سۇرايدى. كٶپتەگەن اتا-انا وسىنداي ٶتٸنٸش جازادى. ەگەر بۇل مەديتسينالىق قۇجاتتارمەن راستالسا, بالا ٷيدەن وقۋعا اۋىستىرىلادى. سونىمەن قاتار, ەگەر سىنىپتا ناۋقاس ادام تابىلسا, ينفەكتسييانىڭ تۇتاستاي تارالماۋى ٷشٸن بارلىق سىنىپ ونلاينعا فورماتقا كٶشەدٸ» - دەپ قوستى سپيكەر.
