الماتىدا بٸرنەشە ەكولوگييالىق جوبا جٷزەگە اسىرىلادى. بۇل تۋرالى الماتىنىڭ قوعامدىق كەڭەس وتىرىسىندا قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايا ايتتى, دەپ حابارلايدى قازاقپارات.
«قازٸر قالانىڭ پەريمەترٸ بويىنشا ەكوپوستتاردى ورناتۋعا قاجەتتٸ قۇرالداردى ساتىپ الۋ جەنە ورناتۋ بويىنشا تەندەرلٸك پروتسەدۋرالار جٷرٸپ جاتىر. ەكوپوستار بٸردەي رەجيمدە جۇمىس ٸستەيدٸ, ياعني ولار ەرەجە بۇزۋشىلاردى انىقتايدى, سونىمەن بٸرگە قالاداعى كٶلٸكتەردٸڭ قوزعالىسىن باقىلايتىن ارنايى جٷيە ٸسكە قوسىلادى. جىلجىمالى زەرتحانا دا بولادى. وسىلايشا, بٸز اۆتوموبيلدەردٸڭ قوزعالىسىن قاداعالايمىز», – دەدٸ الماتى قالالىق جاسىل ەكونوميكا باسقارماسىنىڭ باسشىسى.
سونىمەن قاتار, ناتاليا ليۆينسكايا قالادا 19 بلوكپوست بولاتىنىن اتاپ ٶتتٸ.
«بٸز تٸكەلەي پوليتسييا دەپارتامەنتٸمەن جۇمىس ٸستەيمٸز. زاڭ بويىنشا پوليتسەيلەر كٶلٸك يەسٸن توقتاتىپ, ايىپپۇل سالۋعا قۇقىلى. ەكوپوستاردا كٶلٸكتەردەن شىعاتىن زيياندى زاتتاردى ٶلشەۋگە ارنايى وقىتىلعان ماماندار جۇمىلدىرىلادى. سونىمەن قاتار, سول قىزمەتكەر حاتتاما جاسايدى, ونىڭ نەگٸزٸندە پوليتسييا قازٸردٸڭ ٶزٸندە شارا قولدانا الادى», - دەدٸ ول.
