ەۋە اپاتىنان جاراقات العان ۇقك قىزمەتكەرلەرٸ اۋرۋحانادان شىعارىلدى. بۇل تۋرالى №4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆ ايتتى, دەپ حابارلايدى "ۇلت اقپارات".
«ەكٸ ەسكەري قىزمەتكەر دە تولىق ەمدەۋدەن ٶتكەننەن كەيٸن №4 قالالىق كلينيكالىق اۋرۋحانانىڭ ستاتسيونارىنان قاناعاتتانارلىق جاعدايدا شىعارىلدى. ولار 95 كٷن ەم الدى», - دەدٸ №4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆ.
ەسكە سالا كەتەيٸك, 13 ناۋرىز كٷنٸ نۇر-سۇلتان-الماتى باعىتىندا كەلە جاتقان ان-26 ەسكەري ۇشاعى 17.22 كەزٸندە راداردان جوعالىپ, قالا ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى. 2 ادام تٷرلٸ جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكٸزٸلدٸ.
ۇشاق اپاتى بولعان جەرگە قالا ەكٸمٸ باقىتجان ساعىنتاەۆ بارىپ, زارداپ شەككەندەرگە بارىنشا كٶمەك كٶرسەتۋدٸ مٸندەتتەدٸ.
سونىمەن قاتار, مەملەكەت باسشىسى ەۋە اپاتىنىڭ سەبەپتەرٸن انىقتاۋدى تاپسىرعان بولاتىن.
قازاقستان رەسپۋبليكاسى ۇلتتىق قاۋٸپسٸزدٸك كوميتەتٸ الماتىدا اپاتقا ۇشىراعان ۇشاقتىڭ قارا جەشٸگٸندەگٸ دەرەكتەر تەكسەرٸلٸپ جاتقانىن مەلٸم ەتتٸ.
