Áýe apatynan jaraqat alǵan UQK qyzmetkerleri aýrýhanadan shyǵaryldy. Bul týraly №4 qalalyq klinikalyq aýrýhananyń bas dárigeri Saǵi Beisenbekov aitty, dep habarlaidy "Ult aqparat".
«Eki áskeri qyzmetker de tolyq emdeýden ótkennen keiin №4 qalalyq klinikalyq aýrýhananyń statsionarynan qanaǵattanarlyq jaǵdaida shyǵaryldy. Olar 95 kún em aldy», - dedi №4 qalalyq klinikalyq aýrýhananyń bas dárigeri Saǵi Beisenbekov.
Eske sala keteiik, 13 naýryz kúni Nur-Sultan-Almaty baǵytynda kele jatqan AN-26 áskeri ushaǵy 17.22 kezinde radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
Ushaq apaty bolǵan jerge qala ákimi Baqytjan Saǵyntaev baryp, zardap shekkenderge barynsha kómek kórsetýdi mindettedi.
Sonymen qatar, Memleket basshysy áýe apatynyń sebepterin anyqtaýdy tapsyrǵan bolatyn.
Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqanyn málim etti.
