الماتى ماڭىندا جوعالعان ٷش بالانىڭ وقيعاسى ايتىلدى, - دەپ حابارلايدى Tengrinews.kz اگەنتتٸگٸ.
25 قازاندا تاڭەرتەڭ قالا ماڭىنداعى بەساعاش اۋىلىندا ٷش كەمەلەتكە تولماعان جاسٶسپٸرٸم ٷيٸنەن شىعىپ, قايتا ورالماعان. ولاردى سوڭعى رەت كٶرشٸ دۋمان ىقشاماۋدانىندا كٶرگەندەر بولعان. بالالار تەلەفون الماعاندىقتان, ولارمەن بايلانىسۋ مٷمكٸن بولماعان. سودان بالالاردىڭ اتا-اناسى تٷندە پوليتسيياعا كٶمەك سۇراپ جٷگٸنەدٸ.
"بالالار تاڭەرتەڭ ٷيدەن شىعىپ, اعاشتار ٶسەتٸن تاۋدىڭ ەتەگٸنە قاراي بەت العان. ولار جاپىراق جيناعىسى كەلگەن. سول جەرگە جەتٸپ, جاپىراق جيناي باستاعاندا, يتتەر قۋعان. بالالار قاشىپ, تاۋعا قاراي بەت العان. اقىرىندا, يتتەردەن قۇتىلىپ, تٶمەن تٷسكەندە اداسىپ كەتكەن. ال وندا اعاشتاردىڭ كٶبٸپتٸگٸنەن, تٸپتٸ ەرەسەكتەر دە وڭاي اداسىپ كەتەدٸ", - دەدٸ جوعالعان بالانىڭ ەكەسٸ جانبولات.
ونىڭ ايتۋىنشا, كٷن باتقانشا بالالار كەرٸ قايتار جول تابا الماعان. سودان ولار قاراۋسىز قالعان ٷيگە تاپ بولادى.
"بالالار سوندا تٷنەمەك بولعان, بٸراق ول جەر سۋىق بولىپتى. بٸراز ۋاقىتتان كەيٸن ولاردى سول جەردە, تاۋدا تۇراتىن ادام تاۋىپ الىپتى. ول بالالاردى تٷنەتٸپ, تاڭەرتەڭ ولاردى تٶمەن تٷسٸرٸپ جٸبەرگەن. سول جەردە ولاردى ەرمەك شانشىباەۆ كەزدەستٸرگەن", - دەدٸ وتاعاسى. بالالاردى امان الىپ قالۋعا اتسالىسقان بارشاعا العىسىن بٸلدٸردٸ.
