جازاتايىم وقيعالاردىڭ كٶپشٸلٸگٸ جابدىقتالماعان سۋ قويمالارىندا ورىن الادى. الماتى قالاسىنىڭ تٶتەنشە جاعدايلار دەپارتامەنتٸنٸڭ قىزمەتكەرلەرٸ تالاپتى ورىنداۋعا, قاۋٸپسٸزدٸكتٸ ساقتاۋعا شاقىردى, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸنٸڭ بريفينگٸندە 9 ماۋسىمدا ٶتكەن الماتى قالاسى تٶتەنشە جاعدايلار دەپارتامەنتٸ باسشىسىنىڭ ورىنباسارى, ەرلان ەلٸبەكوۆ قالا تۇرعىندارىن سۋداعى قاۋٸپسٸزدٸك ەرەجەلەرٸن ساقتاۋدى, تىيىم سالىنعان ورىندارعا بارماۋدى ەسكەرتتٸ.
ەرلان ەلٸبەكوۆتٸڭ ايتۋىنشا, بارلىق قۇتقارۋشىلار قالا تۇرعىندارىنىڭ «جابايى» جاعاجايلار مەن دەمالىس ورىندارىنا بارۋىنا الاڭدايدى. سەبەبٸ, كەيبٸر جاعاجايلاردا سۋ اعىنى قاتتى, تەرەڭدٸكتٸڭ كٷرت ٶزگەرۋٸنە ىقپال ەتەتٸن جارتاستار, سىنعان پليتالار مەن ەينەك بولۋى مٷمكٸن.
سپيكەر بٷگٸندە الماتى قالاسىندا شومىلۋعا رۇقسات ەتٸلگەن 4 ورىن بارىن ەسكە سالدى, ولار:
1. سايران كٶلٸ – تٶلە بي كٶشەسٸنەن وڭتٷستٸك باعىتتا 200 مەتر – المالى اۋدانى;
2. سايران كٶلٸ – تٶلە بي كٶشەسٸنەن پيرسكە دەيٸن وڭتٷستٸك باعىتتا 300 مەتر – ەۋەزوۆ اۋدانى;
3. د. قوناەۆ اتىنداعى ٷاك – باۋم توعايى – تٷركسٸب اۋدانى;
4. د. قوناەۆ اتىنداعى ٷاك – دەمالىس ايماعى گٷلدەر – جەتٸسۋ اۋدانى.
سايران كٶلٸنٸڭ رۇقسات ەتٸلگەن جەرلەرٸندە شىعىس پەن باتىس جاعىنان بۋيكالار ورناتىلعان.
ٷلكەن الماتى كانالىنا (باۋم توعايى, گٷلدەر دەمالىس ايماعى قايتا قۇرۋعا بايلانىستى) وسى جىلى سۋ تولتىرۋ جوسپارلانباعان.
ەرلان ەلٸبەكوۆتٸڭ ايتۋىنشا, «جابايى» جاعاجايلاردا شومىلۋ قايعىلى وقيعالارعا ەكەلۋٸ مٷمكٸن. اتا-انالار جازعى دەمالىس كەزٸندە بالالاردىڭ قاۋٸپسٸزدٸگٸنە جەتە نازار اۋدارۋى تيٸس.
ونىڭ پٸكٸرٸنشە, تەجٸريبە مەن باقىلاۋعا قاراماستان قايعىلى وقيعالار ەرەجەنٸڭ بۇزىلۋىنان بولادى.
تٶتەنشە جاعدايلار دەپارتامەنتٸنٸڭ قىزمەتكەرلەرٸ پوليتسەيلەرمەن بٸرلەسٸپ كٷن سايىن قر ەكٸمشٸلٸك كودەكسٸنٸڭ 440-بابى بويىنشا (سپيرتتٸك ٸشٸمدٸكتەر ٸشۋ نەمەسە قوعامدىق ورىنداردا ماس كٷيدە بولۋ) تەرتٸپ بۇزعانداردى ەكٸمشٸلٸك جاۋاپكەرشٸلٸككە تارتۋدا ەرٸ سۋ ايدىندارىنىڭ اۋماعىندا پاترۋلدەر كەزەكشٸلٸكتەرٸن اتقارۋدا. جاز ماۋسىمىندا تەرتٸپ بۇزعان 15 ادامعا ايىپپۇل سالىندى.
الماتى قالاسىنىڭ سايران كٶلٸندە قۇتقارۋ قىزمەتٸنٸڭ ماۋسىمدىق بەكەتٸ قويىلىپ, شومىلۋعا تىيىم سالاتىن 14 تاقتايشا ورناتىلدى. ەۋەجاي كٶلٸندە ستاتسيونارلىق قۇتقارۋ بەكەتٸ جۇمىس ٸستەيدٸ. سونداي-اق وسى جازدا الماتى سۋ ايدىندارىندا قۇتقارۋشىلار, سۋدا قۇتقارۋ جاساعىنىڭ قىزمەتكەرلەرٸ, پوليتسييا قىزمەتكەرلەرٸ مەن قر ۇلتتىق ۇلانىنىڭ №5571 «وڭتٷستٸك» بٶلٸمٸنٸڭ ەسكەري قىزمەتشٸلەرٸ كەزەكشٸلٸك ەتەدٸ. ەندٸ قۇتقارۋشىلار تەك قايىقتارمەن عانا ەمەس, دروننىڭ كٶمەگٸمەن دە قاۋٸپسٸزدٸكتٸ قاداعالايتىن بولادى.
سونىمەن قاتار, سپيكەر سۋ ايدىندارىندا ساقتالۋى تيٸس بٸرنەشە تالاپتاردى اتادى.
«رۇقسات ەتٸلگەن جەردە عانا شومىلىڭىز, جاعالاۋدىڭ قورشاۋ بەلگٸلەرٸ مەن بۋيكالارىنان الىس جٷزۋگە بولمايدى. ەگەر سٸز رۇقسات ەتٸلگەن جەردە شومىلساڭىز, بەلدەن جوعارى سۋعا تٷسپەڭٸز. بالالاردى قاراۋسىز قالدىرماڭىز. قايىقتاردان, كٶپٸرلەر مەن ايلاقتاردان سۋعا سەكٸرمەڭٸز. تٷنگٸ ۋاقىتتا, تاۋ ٶزەندەرٸندە ماس كٷيٸندە شومىلماڭىزدار»,– دەپ ەسكەرتتٸ الماتى قالالىق تجد باستىعىنىڭ ورىنباسارى.
ٶز كەزەگٸندە الماتى قالاسى بٸلٸم باسقارماسىنىڭ ادامگەرشٸلٸك-رۋحاني تەربيە مەن ٶزٸن-ٶزٸ تانۋ بٶلٸمٸنٸڭ باسشىسى نۇرگٷل تاۋ اتا-انالاردى بالالاردى سۋ ايدىنىنداعى تالاپتى بۇزباۋعا, كٶشە مەن ٷيدەگٸ قاۋٸپسٸزدٸك ەرەجەلەرٸن ورىنداۋعا شاقىردى.
