الماتىدا 90 ملن تەڭگەگە ساتىپ الىنعان جەكە قورعانىس قۇرالدارى قويمادا جاتىر, دەپ حابارلايدى "ۇلت اقپارات".
سىبايلاس جەمقورلىققا قارسى قىزمەت جانىنداعى ارنايى مونيتورينگتٸك توپ الماتىنىڭ باس سانيتار دەرٸگەرٸ جانداربەك بەكشيننٸڭ ٶتٸنٸشٸ بويىنشا قويمادا بٸر جىلعا جۋىق ساقتالعان جەكە قورعانىس قۇرالدارىن تەكسەردٸ.
قويمادا تٷسٸرٸلگەن ۆيدەونى Facebook-تە سىبايلاس جەمقورلىققا قارسى قىزمەت جانىنداعى ارنايى مونيتورينگ توبى تٶراعاسىنىڭ ورىنباسارى رافاەل گاسانوۆ جارييالادى.
تەكسەرۋ بارىسىندا, قويماداعا تاۋارلار 2020 جىلدىڭ ماۋسىم ايىندا رەسپۋبليكالىق بيۋدجەتتەن بٶلٸنگەن اقشاعا ساتىپ الىنعانى انىقتالدى. 90 ملن تەڭگەگە 12 مىڭعا جۋىق كوستيۋم ەكەلٸنگەن. بٸر جيىنتىق 7500 تەڭگە تۇرادى. قازٸر قويمادا 7028 داناسى بار.
جانداربەك بەكشين كوستيۋمدەردٸ تەكسەرٸپ, ولاردىڭ تالاپتارعا ساي كەلمەيتٸنٸن ايتتى.
«قويمادا مەديتسينالىق ەمەس, قۇرىلىسشىلارعا ارنالعان جەكە قورعانىس كيٸمدەرٸ ساقتالعانى بەلگٸلٸ بولدى. ولار شاڭ مەن بوياۋدان قورعايدى, الايدا سۋ ٶتكٸزەدٸ, سوندىقتان ەپيدەميولوگتاردىڭ قولدانۋىنا جارامسىز. مەن ماتەريالداردى سىبايلاس جەمقورلىققا قارسى ٸس-قيمىل دەپارتامەنتٸنە تاپسىردىم. ولاردىڭ تاپسىرىسىمەن ساراپتاما جاسالدى «, - دەدٸ ج.بەكشين تٸكەلەي ەفير كەزٸندە.
سونداي-اق, باس سانيتار دەرٸگەر قويمادا دەنساۋلىق ساقتاۋ مينيسترلٸگٸنٸڭ تالاپتارىنا سەيكەس كەلمەيتٸن كٶزٸلدٸرٸكتەر, ماسكالار دا بار ەكەنٸن ايتتى. تٸپتٸ, كٸشٸگٸرم ەكسپەريمەنت جاسادى.
«مۇنى قاراپايىم تٷردە ەشقانداي زەرتحاناسىز تەكسەرۋگە بولادى. ەگەر سۋ ٶتسە, وندا ۆيرۋس تا ٶتەدٸ. مەن مۇنداي كيٸمدەرمەن ەپيدەميولوگتارىمدى اۋرۋ وشاعىنا جٸبەرە المايمىن. قۇجاتتارعا قاراساڭىز دا سەيكەس كەلمەيدٸ», - دەدٸ جانداربەك بەكشين.
قالانىڭ باس سانيتار دەرٸگەرٸ وسى فاكتٸ بويىنشا سوتقا جٷگٸنگەنٸن دە جەتكٸزدٸ.
ونىڭ ايتۋىنشا, بۇل قالادا جەكە قورعانىس قۇرالدارى جەتٸسپەيتٸنٸن بٸلدٸرەدٸ. قويماداعى قور ەكٸ ايعا دا جەتپەيدٸ. قازٸر جەكە قورعانىس قۇرالدارىنىڭ بٶلٸكتەرٸن باسقا ايماقتاردان ساتىپ الۋعا تۋرا كەلەدٸ.
