الماتى-قورعاس جولىندا تٸرٸدەي كٶلٸكتە جانىپ كەتكەن ەكٸ ادامنىڭ قازاسى بويىنشا تەرگەۋ باستالدى, دەپ حابارلايدى "ۇلت اقپارات".
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 3 مامىر كٷنٸ ساعات 17:40 شاماسىندا ەڭبەكشٸقازاق اۋدانىنىڭ پوليتسيياسىنا كٶلٸكتٸڭ ٶرتەنگەنٸ جٶنٸندە حابارلاما تٷسكەن.
«كٶلٸكتٸڭ ٸشٸندە ەكٸ ەيەل ادام جانىپ كەتتٸ. وقيعا ورنىندا تەرگەۋ توبى جۇمىس ٸستەپ جاتىر. بۇل فاكتٸ بويىنشا ارنايى ساراپتاما تاعايىندالدى. سوتقا دەيٸنگٸ تەرگەۋ جٷرگٸزٸلٸپ جاتىر», - دەپ پٸكٸر بٸلدٸردٸ اتالعان ۆەدومستۆونىڭ باسپاسٶز قىزمەتٸنەن.
ەستەرٸڭٸزگە سالا كەتەيٸك, بۇعان دەيٸن كٶلٸكتٸڭ سالونىندا ەكٸ ادامنىڭ تٸرٸدەي ٶرتەنگەنٸن حابارلاعان بولاتىنبىز.
وقيعا ورنىنان ۆيدەو تٷسٸرگەن كۋەگەرلەردٸڭ سٶزٸنشە, كٶلٸك قىزىل جالىنعا ورانعاندا ەكٸ ەيەل ٸشٸندە ۇيىقتاپ جاتقان.
ولار تٸلسٸز جاۋدان قۇتىلا الماي, وقيعا ورنىندا تٸرٸدەي جانىپ كەتكەن.
«ماشينا ٶرتەنٸپ, ٸشٸندە ەكٸ كەلٸنشەك قالىپ, جانىپ كەتتٸ. ەشقانداي كٶمەك بولمادى. جٷرگٸزۋشٸ اشقاندا ول ارى قاراي قاشىپتى. بەرٸ قاراي تارتىپ ەدٸم, وت شىعىپ ەدٸ ارى قاراي قاشتى. بۇلار ۇيىقتاپ قالعان عوي» دەلٸنگەن بەينەجازبادا.
ال قۇتقارۋشىلار دەر كەزٸندە وقيعا ورنىنا جەتە الماعان. سەبەبٸ, جاقىن ماڭدا ٶرت سٶندٸرۋ قىزمەتٸ بولماعان.
قىزىل جالىننىڭ شىعۋ سەبەبٸ انىقتالىپ جاتىر. كەشە كەشكٸسٸن ساعات التى شاماسىندا بولعان وقيعا ورنىنا الماتى وبلىستىق تٶتەنشە جاعدايلار دەپارتامەنتٸنٸڭ ٶرت-سىناق زەرتحاناسى جۇمىلدىرىلدى.
وقيعانىڭ مەن-جايىن تيٸستٸ ورگاندار انىقتاپ جاتىر.
ماماندار اپتاپ ىستىقتا ازاماتتاردان ٶرت قاۋٸپسٸزدٸگٸ ەرەجەلەرٸن ساقتاۋدى سۇرايدى. جولعا شىققاندا كٶلٸكتٸ تەحنيكالىق تەكسەرۋدەن ٶتكٸزۋگە كەڭەس بەرەدٸ.
«شاقىرۋ ورنىنا الماتى وبلىسى تجد 4 قىزمەتكەرٸ مەن 1 تەحنيكا شىقتى. جانعان جەردەن ٶرت سٶندٸرۋ بٶلٸمٸنە دەيٸنگٸ قاشىقتىق 45 كم قۇرادى. ٶرت ورنىندا اۆتوكٶلٸك سالونىندا 2 جولاۋشىنىڭ جانىپ كەتكەن دەنەسٸ تابىلدى» دەدٸ الماتى وبلىستىق تجد باسپاسٶز قىزمەتٸنٸڭ رەسمي ٶكٸلٸ ازامات جۇرتباەۆ.
