Almaty-Qorǵas jolynda tiridei kólikte janyp ketken eki adamnyń qazasy boiynsha tergeý bastaldy, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 3 mamyr kúni saǵat 17:40 shamasynda Eńbekshiqazaq aýdanynyń politsiiasyna kóliktiń órtengeni jóninde habarlama túsken.
«Kóliktiń ishinde eki áiel adam janyp ketti. Oqiǵa ornynda tergeý toby jumys istep jatyr. Bul fakti boiynsha arnaiy saraptama taǵaiyndaldy. Sotqa deiingi tergeý júrgizilip jatyr», - dep pikir bildirdi atalǵan vedomstvonyń baspasóz qyzmetinen.
Esterińizge sala keteiik, buǵan deiin kóliktiń salonynda eki adamnyń tiridei órtengenin habarlaǵan bolatynbyz.
Oqiǵa ornynan video túsirgen kýágerlerdiń sózinshe, kólik qyzyl jalynǵa oranǵanda eki áiel ishinde uiyqtap jatqan.
Olar tilsiz jaýdan qutyla almai, oqiǵa ornynda tiridei janyp ketken.
«Mashina órtenip, ishinde eki kelinshek qalyp, janyp ketti. Eshqandai kómek bolmady. Júrgizýshi ashqanda ol ary qarai qashypty. Beri qarai tartyp edim, ot shyǵyp edi ary qarai qashty. Bular uiyqtap qalǵan ǵoi» delingen beinejazbada.
Al qutqarýshylar der kezinde oqiǵa ornyna jete almaǵan. Sebebi, jaqyn mańda órt sóndirý qyzmeti bolmaǵan.
Qyzyl jalynnyń shyǵý sebebi anyqtalyp jatyr. Keshe keshkisin saǵat alty shamasynda bolǵan oqiǵa ornyna Almaty oblystyq tótenshe jaǵdailar departamentiniń órt-synaq zerthanasy jumyldyryldy.
Oqiǵanyń mán-jaiyn tiisti organdar anyqtap jatyr.
Mamandar aptap ystyqta azamattardan órt qaýipsizdigi erejelerin saqtaýdy suraidy. Jolǵa shyqqanda kólikti tehnikalyq tekserýden ótkizýge keńes beredi.
«Shaqyrý ornyna Almaty oblysy TJD 4 qyzmetkeri men 1 tehnika shyqty. Janǵan jerden órt sóndirý bólimine deiingi qashyqtyq 45 km qurady. Órt ornynda avtokólik salonynda 2 jolaýshynyń janyp ketken denesi tabyldy» dedi Almaty oblystyq TJD baspasóz qyzmetiniń resmi ókili Azamat Jurtbaev.
