الماتى قالاسى ەپيدەميولوگييالىق جاعدايعا بايلانىستى «سارى» ايماقتان «قىزىل» ايماققا ٶتۋٸ مٷمكٸن. بۇل تۋرالى قالا ەكٸمٸ باقىتجان ساعىنتاەۆ ورتالىق كوممۋنيكاتسييالار قىزمەتٸندە ايتتى, دەپ حابارلايدى "ۇلت اقپارات".
«23 كٷنگٸ رەپوردۋكتيۆتٸك ٶلشەم 1,12-گە جەتٸپ وتىر. ايدىڭ باسىندا بۇل كٶرسەتكٸش 1-دەن تٶمەن بولاتىن. مامىر ايىندا بٸزدە 9939 ناۋقاس تٸركەلسە, بٷگٸندە 3346 بولدى. كٷندەلٸكتٸ ٶزگەرٸس كٶبەيٸپ كەلە جاتىر. وسىعان بايلانىستى قايتادان ينفەكتسييالىق جاعدايعا جىلدام كٶشۋ ٷشٸن قالاداعى 3 كٶپسالالى اۋرۋحانانى كوروناۆيرۋسكە بايلانىستى ينفەكتسييالىق اۋرۋحاناعا اۋىستىرۋعا جۇمىس جٷرگٸزۋدٸ باستادىق», - دەدٸ قالا ەكٸمٸ.
شاھار باسشىسى اتالعان ەمدەۋ مەكەمەلەرٸندە قازٸر جوسپارلى قابىلداۋ توقتاتىلعانىن اتادى.
«جوسپارلى تٷردە قابىلداناتىن ناۋقاستاردى قابىلداۋ قازٸر توقتاتىلدى. بٸر اپتا بويىندا باقىلايمىز. ەگەر وسىلاي جالعاسا بەرەتٸن بولسا, وندا بٸزدٸڭ جوبامىز بويىنشا قازٸر «سارى» ايماقتا تۇرساق, قىزىل ايماققا ٶتۋ قاۋپٸمٸز بار. ٷندٸستاندىق شتامم سوعان الىپ كەلە جاتىر», - دەدٸ باقىتجان ساعىنتاەۆ.
