Almaty qalasy epidemiologiialyq jaǵdaiǵa bailanysty «sary» aimaqtan «qyzyl» aimaqqa ótýi múmkin. Bul týraly qala ákimi Baqytjan Saǵyntaev ortalyq kommýnikatsiialar qyzmetinde aitty, dep habarlaidy "Ult aqparat".
«23 kúngi repordýktivtik ólshem 1,12-ge jetip otyr. Aidyń basynda bul kórsetkish 1-den tómen bolatyn. Mamyr aiynda bizde 9939 naýqas tirkelse, búginde 3346 boldy. Kúndelikti ózgeris kóbeiip kele jatyr. Osyǵan bailanysty qaitadan infektsiialyq jaǵdaiǵa jyldam kóshý úshin qaladaǵy 3 kópsalaly aýrýhanany koronavirýske bailanysty infektsiialyq aýrýhanaǵa aýystyrýǵa jumys júrgizýdi bastadyq», - dedi qala ákimi.
Shahar basshysy atalǵan emdeý mekemelerinde qazir josparly qabyldaý toqtatylǵanyn atady.
«Josparly túrde qabyldanatyn naýqastardy qabyldaý qazir toqtatyldy. Bir apta boiynda baqylaimyz. Eger osylai jalǵasa beretin bolsa, onda bizdiń jobamyz boiynsha qazir «sary» aimaqta tursaq, qyzyl aimaqqa ótý qaýpimiz bar. Úndistandyq shtamm soǵan alyp kele jatyr», - dedi Baqytjan Saǵyntaev.
