فوتو: Parktime.ru
بۇرىنعى ەكٸم ۆيكتور حراپۋنوۆ الماتى ەۋەجايىنىڭ عيماراتىن جەكە كومپانيياعا زاڭسىز ساتىپ جٸبەرگەن, - دەپ حابارلايدى Massaget.kz پورتالى قر باس پروكۋراتۋراسىنىڭ دەرەكتەرٸنە سٸلتەمە جاساپ.
باس پروكۋراتۋرا ٶكٸلدەرٸ قازاقستانعا قاراجاتتى قايتارۋ جٶنٸندەگٸ ۆەدومستۆوارالىق كوميسسييانىڭ جۇمىسىن ٷيلەستٸرۋ اياسىندا ورگاندار تەۋەلسٸز تالداۋلار مەن تەكسەرۋ شارالارىن جٷرگٸزٸپ جاتقانىن مەلٸمدەدٸ.
اتاپ ايتقاندا, زاڭسىز يەلٸكتەن شىعارىلعان نىسانداردى, بەرٸلگەن جەر تەلٸمدەرٸن قايتارۋ بويىنشا 13 تالاپ-ارىز بەرٸلدٸ. بەس ميلليارد تەڭگە زاڭسىز بەرٸلگەن نەمەسە پايدالانىلماي جاتقان 140 مىڭ گەكتاردان اسا جەر تەلٸمدەرٸ قاداعالاۋ اكتٸلەرٸمەن قايتارىلدى.
وليگوپولييالاردىڭ پايداسىنا نەگٸزسٸز شىعارىلعان سوت اكتٸلەرٸنٸڭ كٷشٸن جويۋعا 23 نارازىلىق بەرٸلدٸ. پروكۋرورلىق تەكسەرۋلەردٸڭ قورىتىندىسى بويىنشا, قىلمىستىق قۋدالاۋ ورگاندارى ەرتٷرلٸ تەرٸس پايدالانۋ, مەملەكەت مٷلكٸ مەن بيۋدجەت قاراجاتىن ۇرلاۋ دەرەگٸ بويىنشا 12 سوتالدى تەرگەۋ امالدارىن باستادى.
"الماتى حالىقارالىق ەۋەجايىنداعى دٷكەندەر, بارلار مەن مەيرامحانالار ايماعى زاڭسىز ساتىلعانى انىقتالدى. ولاردى 2003 جىلى ەكٸم حراپۋنوۆ جەكە كومپانيياعا زاڭسىز ساتىپ جٸبەرگەن. ساتىلعان ايماقتىڭ قۇنى - 333,7 ميلليون تەڭگە. ەۋەجاي تەرمينالىنىڭ 1 601,1 شارشى مەترٸنە قۇقىق بەلگٸلەيتٸن قۇجاتتاردى زاڭسىز دەپ تانۋ تۋرالى سوتقا تالاپ-ارىز بەردٸك", - دەدٸ باس پروكۋراتۋرا ٶكٸلدەرٸ.
